ادخلو الله يعافيكم انا في ضيقه مايعلم فيها الا الله

الله يعينك حبيبتي بصراحه احس جامعه نوره احلى خساره رفضتيها بس انا راأيي ان الانجليزي تخصص ممتاز ومرغوب جدا بكل مكان شركات وتعليم خاصة انهم بنزلونه لابتدائي والدوره غير معترف فيها وماتأسسك زين يدوب  .  بس انتي. اجلسي مع نفسك وصفي ذهنك ولاتخلين الكلام يأثر ع حبك للماده اللي تحبينه بتعطين فيه والا بتدخلينه. بدون حب يمكن تفشلين استخيري وواتوكلي على الله ولاتنسيني من دعاك 

لا والله ... الحاسب افضل تخصص تخصص يطلبه الشارع ولا يمله سوق العمل وكل يوم فيه جديد يعني مضمووووووون بالنسب لجامعة نورة او حريملا اد كل الجامعات بالاخير راح تكون روتين وتطفشين العبرة مو بالمكان العبرة بالصحبة .....
واحيان البلد الي مافيها اللي يقربون لك تتوفقين فيها توفيق قوي ....تبغين رائي روحي حريملا وشوفي سنة بس شدي حيلك عشان المعدل حيظل معك ... عجبك عجبك ما عجبك ... غيري التخصص والجامعة اعتبريها سنة استكشاف ... ولا تزعلين روووووووووووووحك احنا كنا حارقين انفسنا في الاخير شوفينا قاعدين بالبيت ...

الخيرة فيما اختاره الله
الانجليزي تخصص رائع ماعليك من الناس السلبيين
الرياضيات والكيمياء وغيرها اغلب البنات جالسين في البيت
بس الانجليزي يطلبه سوق العمل ويفيدك بحياتك
بالنسبة للجامعات ايهم افضل ومتى تحولين ماعندي فكره يفيدونك البنات
موفقه حبيبتي

اولا مافيه جامعه احلى من جامعه اللي يحكمك معدلك لما تتخرجين ومستواك وهذا شي ذاتي منك 
ثانيا مادري ليش ندمتي هل انتي من حريملا ولا الرياض لو انتي من حريملا بالعكس حلو انك انقبلتي في جامعتك بس لو من الرياض تقدرين تحولين من حريملا للرياض بعد سنه بس تجيبين معدل حلو 
ثالثا نجي للتخصص بالعكس الانقلش حلو ومطلوب اكثر من الكيمياء وشلتها وكمان الحاسب الالي مطلوب وحكاية تاخذينه دوره اجل ليش ندخل لغه عربيه واحنا نتكلم عربي ؟؟!!  السالفه ماهي سالفة انك تصيرين تتكلمين انقلش بس هذا علم ويبغاله دراسه وتقدرين تكملين فيه ماجستير ودكتوراه وهو اللغه الاولى عالميا والمستخدمه في اكثر الاماكن يعني تقدرين بها تتخاطبين مع نسبة كبيرة من الاشخاص حول العالم وتطلعين على ثقافاتهم  بالاضافه الى ان الانجليزي مطلوب في اكثر الوظائف وكمان انهم ينظرون انهم يخلونه من اولى ابتدائي مستقبلا فبيكون فيه احتياج
لاتسمحين لاي شخص يحطمك في ميولك مادام انتي دخلتيه واستخرتي فهو خير لك من اول يوم لك في الجامعه اجتهدي وذاكري ودوري الصحبه الصالحه اللي يعينونك وطوري نفسك لغويا بهذا تقدرين باذن الله تصيرين معيده وبعدها محاضرة ثم دكتوره او تكونين في وظيفة مترجمه او اي وظيفة تحبينها 

وان ماعجبك التخصص جيبي معدل حلو وبعد سنه حولي للتخصص اللي تبغينه  الدنيا تساهيل 

على العموم انا كنت مثلك اول سنه لدرجة يقلون افصلي اصلا مافيه وظائف وكنت ادخل من اذن واطلع من اذن والحين الحمد لله صرت موظفه وانا ستخرت قبل اسجل والله اكرمني
فلا تهتمين بالمحبطين كثير وابدي بدايه قويه

مشكووووورات والله يعافيكم ريحتوني في كلامكم الله يرزقكم كل اللي تتمنونه ❤️❤️