والله يا اغلبه مهزله وفضاوه احس كانهم اطفال وحده قهرتني كان ودي اني جنبها افقع وجهها ههههههه تقول زوجي راح ينام وانا طفشانه وش اسوي بالله هذا كلام روحي طخي ونامي هذي الفضاوه وماتسوي اغلب البنات فشششششششله كلامهم استغفر الله

كنت اتابع برنامج بيت عرسان واحيانا محاضرات اتابعها صراحه الله يجزاهم خير عليها .
لاكن الشات جلست فتره اتابعه واقرئ صراحه فيه اشياء مفيده اذكار وادعيه
وفيه اللي يستفسرون عن اشياء بحدود الادب والمعقول واعتقد هاذي شي مفيد حتى انا احيانا استفيد من وصفه او اي شي.
لاكن المصيبه بعض الرجال والحريم يستهبلون لاخر درجه
مثل وحده تقول انا تجهزت وطلع شكلي مغري ومشتاقه لزوجي
ويوم جاء من برى عطاني ظهره ونام وانا جالسه لوحدي وتفشانه وش اسوي
طيب مثل هاذي العينه بالله وش بيكون الردود عليها ؟؟؟
اكيد قلة ادب والرجال والحريم يردون عليها بردود مخزيه صراحه
واللي تقول بنغسل المواعين اختاروا انا او اختي مشاعل؟
ووحده تقول وش البس لاطلعت من الحمام ؟؟؟بالله ذي اسئله
ووحده تقول لقيت في حفاظة طفلي وساخه تكرمون وريحتها كريهه وش اسوي؟؟؟؟ قالوا لها كلي اللي لقيتيه خخخخخخ
وفيه رجال يقول رجعت من الدوام وزوجتي ماسوت الغداء وش رايكم اضربها اواطلقها؟؟
والحريم يردون استغرب كم يصرفون فلوس في الشات عشان يردون على اشياء سخيفه.
صراحه صار الشات اغلبه تافه وماصرت اتابع القناه وكل التلفزيون ماصرت اتابع شي فيه
النت احلا وفيه الا شياء اللي انا اختارها واحبها .

القناة رائعه جدا
بس الشات منجد بعض الحريم يرسلون اشياء مالها داعي ابد
وانا طبعا موعادي عندي ارسل مثل هذا الكلام

سريع مره مايمديني اقرا واذا بحلقت فيه اوجعني عنوني هههههه
بس جد بعض الرسايل فضاايح الله يهدي هالحريم

لا وفي وحدة تسأل زوجي كان مسافر وجاي بكرة بعد غياب 3 شهور

إيش اللبس وكيف أستقبله

زوجي يبغى يطلقني علشان سواد الركب أعطوني خلطة أدعي لها في الحرم خخخخخ



والله إني من محبي قناة البداية