اخت الابتسامه @akht_alabtsamh

عضوة نشيطة

ادخلو بنات شوفوا الدكتور وش قال

السلام عليكم
كيفكم صبايا
راح اقول لكم قصتي قبل الزواج كنت نحييييفه مرررره وبعد الزواج رحت دبااااا وكتبت هنا ابغاكم تساعدوني ابغى انحف ماقصرتوا عطيتوني رجيم بس بصراحه ماقدرت امشي عليه بهذلت زوجي قلت ابغاك توديني دكتور ابغى اسوي رجيم طبعا دكتور حق تغذيه ورحت شوفوا وش قال لي والله يشهد على كل اللي كتبته اني صادقه شاف وزني وطولي قال شوفي انصحكي ماتستخدمين رجيم راح اعطيك جدول من عندي قبل كل شي تنوين انك تمشين على الشي ذا وهو الجدول قلت ان شاءالله قال الصبح خذي حبه بيضه وجبنه شرايح قليلة دسم مع عصير بدون سكر اما الغداء خذي ارز بالدجاج او باللحم سو كبسه او ابيض يعني تطبخين بدون زيت او خضار بالدجاج او لحم برضو بدون زيت والبطاطس المقليه بدال ماتقلين حطي البطاطس بالفرن وقال لي الغداء تقدرين تنوعين يعني اسوي صواني بالفرن بدون زيت قال لي اطبخي زين ماتبغين بس ابتعدي عن الزيت وجلد الدجاج او شحم اللحم وخصصي يوم مثال الاربعاء تاكلين وصله حلى ولا تكثرين والله يابنات لي اسبوع ماشيه على النظام ذا واقسم بالله نحفت 2 كيلو ونصيحه يابنات جرررربوها ان شاءالله ماراح تندمون
دعواتكم لي

يلزم عليك تسجيل الدخول أولًا لكتابة تعليق.

تسجيل دخول

heba moon • 13 سنة

حلو رجيمك
لكن بتاكلى بكميه محدده و لا الكميه مفتوحه
خصوصا الاكل من غير زيت
و الف مبرووك و عقبال باقى الكيلوات

ريحانة الود • 13 سنة

اي والعشاء كيف
والفواكه ممنوعة؟
وكم كان وزنك قبل لا تبتدي
يمكن وزنك كبير
والرياضة كيف
معليش على الاسئلة بس عجبني نظامك وحابة امشي عليه
بس ادخله براسي
وشكرااااااا

نزف الاهات • 13 سنة

هذا الكلام المضبوط نظام مافيه حرمان ولا يطلب منك أكل ماتحبينه

واصلي حبيبتي انا هذا نظامي تخفيف بالاكل مو اكثر نزلت عليه 26ك ولازلت مواصله اللهم لك الحمد..

النبيله روز • 13 سنة

هذا اسمه تخفيف
مشكوووره

الديم99 • 13 سنة

حلو مشالله تبارك الرحمن عقبال كل الكيلوات الزايدة