للرف

شوفي يااشهام انا سمعت ان اللي معها خمول ولا بعد كلت حبوب فيه امل تتعالج بدون هالحبوب
اذا فيه نحال ممكن تسأليه
طبعا بعسل نحل طبيعي

جزاك الله خير

السلام عليكم ورحمة الله وبركاته
اسأل الله العظيم رب العرش الكريم ان يشفينا جميعا وكل مرضى المسلمين
خواتي انا بذكر تجربتي مع الغدة وبدايتي كانت من اربع سنوات تقريباً
كل الاعراض اللي ذكروها الخوات كانت عندي وبمجرد ما قلت لطبيبة النساء قالت لازم تحليل للغده
وكانت نتيجة التحليل كسل وبديت متابعة استشاري غدد
تبون الصراحة غالب الدكاترة يخليك تفقدي الامل ويقول خلاص خذي الهرمون البديل وكفاية لا تدورين على
علاج ثاني يكفي انه نسبة الهرمون مع الحبة ترجع طبيعية في الدم وخلاص
بس احنا نبيها ترجع تشتغل مانبيها تكسل اكثر لذلك ماطعت الدكتور وبديت ادور على كل شي غني باليود واكله
صح الالتزام صعب بالبداية بس هذي صحتنا ولازم نهتم فيها حيل قبل لا تكسل الغدة تماما ونعتمد على الهرمون البديل الى اخر العمر
خواتي الشفاء من رب العباد اولا واخرا بس احنا نعمل الاسباب ونطرق جميع الابواب سواء رقية او غذاء او دعاء او صدقة لا تهملين اختي اي باب فيهم والله يشفينا وإياكم جميعا ولا تيأسون لان مافيه مرض الا وله علاج بأذن الله

نبدا خطوات البرنامج ..

هو يعتمد على تنظيف الجسم من السموم والاعتماد على الاستشفاء الذاتي يعني الجسم ييحاول يشفي اسقامه بنفسه عن طريق الغذاء وطريقة الحياة العامة
وانا جلست اكثر من سنة على هالبرنامج واستفدت منه الله يجزا من كان السبب فيه خير الجزاء ويجعله في ميزان حسناته

- شرب الماء بكميات كبيرة لترين على الاقل يومياً (يفضل المياه المعبأه لان نسبة الكلور والفلور فيها اوطى من غيرها)
(الكلور والفلور تقلل امتصاص اليود)
- المشي يومياً لمدة نصف ساعة او 3 كيلو وانتي وقدرتك ممكن تزيديها تدريجياً بس المشي جدا مهم لاخراج السموم
-اكثار البصل والثوم في الاكل لانها مضادات اكسده ومهمة
-اكل المأكولات البحرية اقل شي ثلاث مرات بالاسبوع واستبدال الملح العادي بالملح البحري لانه اصح واغنى باليود
-اكل الطحينة مع التمر على الاقل سبع تمرات (الطحينة غنية باليود)
-تبتعدين عن الدهون والشوكولا والباذنجان والدجاج على قد ما تقدري
الدجاج مليان هرمونات وممكن يسبب لك لخبطة
-تكثري من الخضار وخاصة الورقية الجرجير مفيد وفيه نسبة يود
يفضل يكون عشاك خفيف دائما وياليت يكون زبادي لانه صحي جداً
-تجيبي كيلو عسل سدر وتضيفي عليه 2 علبة عكبر (صمغ النحل )وعلبة غذاء ملكات النحل وتاكليه الصباح ملعقتين على الريق
وبعد الغداء ملعقة وماتاكلي بعدها شي لمدة 4 ساعات .. ممكن الشرب
وبعد العشاء كمان ملعقة وماتاكلي شي لمدة 4 ساعات
العسل جداً مفيد والعكبر يحفز عمل الدرقية كثير
من اهم الاشياء انك تتركي الزعل والحزن وتأكدي ان ما اصابك لم يكن ليخطئك فما فيه داعي للزعل لانها تضعف الدرقية اكثر ولو تلاحظي ان اكثر من يصاب بالدرقية هم النساء لشدة حساسيتهم وسرعة الزعل عندهم نصيحتي لك ابتعدي عن الزعل بأي وسيلة
لازم يكون عندنا عزيمة واذا ماقدرنا نطبق كل شي على الاقل نطبق لو بعضها وبالتدريج نحاول نكمل الباقي

فيه عشبة اسمها الفوقس دائما يذكرها القحطاني لمرضى كسل الغدة وهي موجودة في محلات ارمال G N C

هذي صورته




انا استفدت من هالبرنامج كثير ولله الحمد والفضل والمنه بس احيانا احس بأعراضها ترجع لما ازعل او تكون نفسيتي تعبانة من شي بس الحمدلله افضل من قبل .. شفانا الله وإياكم جميعا عاجلا ً غير آجل ولا حرمنا الله وإياكم الاجر
دمتم بصحة وعافية
:26::26::26:

قبل مادري اني فيني نقص بالغدة الدرقيه كان وزني حلوو مليانه بس زين وزني مو سمينه
يوم اخذت العلاج نحفت بقوووووووووووووه

ومره كنت اشرب كل يومين او 3 ورق زعتر اسويه مثل النعناع واشربه قال ادكتور خلاص ماعاد فيك شئ طبيعيه ولاتاخذين حبوب
وجلست سنه تمااااااام ثم تعبت نفسيتي ورجعت اشد من اول

واخذت 70 او ل كنت 50

ورحت اخر مره احلل وشربت قبل التحليل مرتين زعتر وقال الدكتور تحليلك ممتااااااااااااز يقول لو فيه احسن من الممتاز قلته والمضادات

رجعت طبيعيه بس قالي استمري على الحبوب

ليه انا نحفت اتوقع من الانتظام على الحبوب
اصحى الفجر واكلها ثم اخذ ملعقة عسل سدر مع حبه سوداء ثم اجلس نص ساعه واشرب حليب
ثم افطر
والحمدالله وزني حلوو الحين واخذ فيتامينات عشان تسمني شوي لاني ماالي نفس بالااكل الا مع الفيتامينات

الي فيها زيادة بالغده لاتاخذ الزعتر ابداااااااا مايصلح لها الا الي فيها نقص

انا طبعا نومي 12 ساعه خخخخخخخخ واذا شربته 6 ساعات وتروح الضيقه الي فيني وترتاح نفسيتي ويصفى لون بشرتي ويخلي الوجه مشدود ويسمنه شوي رووووعه وينظف الجسم

انا اشربه تقريبا 3 مرات بالاسبوع

واخر شئ اقوله يمكن الي سببها لي الزعل لان مره زعلت بقوه وجتني ثم اختفت ثم زعلت ورجعت اشد
والعين بعد لها دخل