ادخلو ضروري

الله يرزقك

اللهم امين الله يسعدك❤

في عندك افكار كثيررة طبعا لي 5سنوات متزوجة وسنه انا اسوي وسنه زوجي زي كذا يعني ..اول مره سويتها في البيت كنت جديده ع الشي ذا ومحتاره المهم جبت كيكة على بالونات هيليوم على بوكس ورد على ورد طبيعي منثور
مع فواحات واخذت صورة لنا من الالبوم وكبرتها وشريت له ساعه وعطر كان يوم جميل بصراحه
السنه اللي بعدها زوجي طلع برستيج اكثر مني حاجز بفندق فخم اول شي تعشينا وشوي اسمع اغاني وحركات واشوفهم جايبين كيكة بس ع بالي مو لنا وشوي وهم متجهين صوب الطاوله حقتنا عاد وربي كنت ببكي من الاحراج والفرحه شعور مختلط مدري كيف وزوجي يضحححك من شكلي يعني اتفقي مع فندق يسون كذا يجيبو لك كيكة وحركات
واللي بعدها أنْــا سويتها ناديت منسقة ضبطت الغرفه من الى.. جابت كاسات وستاند ورد كلها عليها تاريخ زواجنا واسماءنا وضبطت الحمام من ورد وزيوت عطريه واذا عندك جاكوزي بعد افضل واذا مافي عادي ضبطي البانيو في شغلات بالنت لتزين الغرفه والحمام طبعا شريت له جوال وغلفته في محل هدايا فخم
المره الاخيرة كانت التووووب زوجي جاب بوكس ورد فتحته حصلت فيه تذكرتين سفر ع جزر المالديف ومعاه جوال وهناك استانسنا صراحه ..حكيت لك قصة حياتي
الهدايا الحين في بوكس اللي تفتحي وتطلع منه بالونات هيليوم والهدية تكون بالداخل مع ورد وعلبة شوكليت ..وانتي شوفي ايش يحب بطريقتك اساليه
وجيبيها له .. وترا حلاة شي في بساطته حتى لو الهدية مجرد عطر وبوكية اهم شي الغرفه نسقيها بشكل حلوووو ودعواتك لي بالسعاده ويسخر قلبه لي

الله يوووفقك.ً..

قلبو اختي وخوات زوجها وحريم عيالهم اول كانو يحتفلون من يوم سموعو انه مايجوز
بطلو وش لك فيه احمدي الله على الصحه والعافيه والتوفيق

الحمد لله والصلاة والسلام على رسول الله وعلى آله وصحبه، أما بعـد:
فالاحتفال بذكرى الزواج - بغض النظر عن كيفية هذا الاحتفال - لا أصل له في عادات المسلمين، وإنما هو من عادات غير المسلمين، فالواجب على المسلم اجتناب ذلك.
وقد سئل الشيخ ابن عثيمين عن حكم احتفال الزوجين فيما بينهما بيوم الزواج، فأجاب: أرى أن ذلك لا يجوز؛ لأنهم يتخذون هذا عيداً: كلما جاء ذلك اليوم اتخذوه عيداً يتبادلون فيه

الهدايا والفرح وما أشبه ذلك، لكن لو فعلوا هذا عند الزواج ليلة الزفاف أو في أيام الزواج فلا بأس، أما أن يجعلوه كلما مر هذا اليوم من كل سنة فعلوا هذا الاحتفال فلا يجوز. فتاوى نور

على الدرب لابن عثيمين.




=====================
وحتفلو بعيدكم عيد الاضحى المبارك