ادخلو فرجو عني الله يفرج همومكم بالجمعة الفضيلة

السلام عليكم ورحمه الله وبركاته

كيفكم بنات ان شاء الله تكونوا بأحسن حاال

بداية اسأل الله العظيم ان يشفيني يشفي جميع مرضي المسلمين واسأل الله ان يفرج هم وكرب من تدلني وترشدني

أنا فتاة ابلغ من العمر 25 سنة ولله الحمد متخرجة من الجامعة بتفوق ماشاء الله تبارك الله مشكلتي بدأت من بعد التخرج

لاأدرى من الفراغ وكثرة التفكير أو ايش بالضبط أنا بصراحة شخصية وسواسية شوي مو مرة وصايره بالفترة الأخيره

كل ماقرأت عن شئ احسه متواجد فيني النوم الكثير لا ادري هل هو بسبب مرض روحي أو فقر دم

ثانيا الكسل الشديييييييد والتأجيل وبصراحة اي شئ فيه مصلحه لي اتكاسل عنه ماادري ليش :(
اتحمس للطاعات لكن ماعندي عزيمه ابدا واذا بديت بعباده معينه اقوم اسوي كذا شئ مع بعض دفعة وحده هذا الشئ اللي يمللني واطفش واترك جدول العباده اللي ماشية عليه

بناااات لدرجه والله العظيم الدعاء مافيني ادعي لنفسي تعرفون ايش معني ماااافيني استغفر الله

اهمااااال وتكاسل شديد عن قراءة اذكار الصباح والمساء يوم يومين وبعدين اتركها

المهم جات فترة ضقت وتعبت وقلت خليني اروح لشيخ يقرأ على المهم رحت والكلام يمكن قبل شهرين وشوي والشيخ

هذا كانت قراءته جماعية وآآآآآآآآآآه آآآآآآآآآآه من اللي شفته وسمعته رحت لحالي واخوي اللي موديني وطبعا كان يوم نساء المهم انا طبعا قرأت اذكاري قبل مااروح ودخلت وشفت حالات ايش اقول بس لاحول ولاقوة الا بالله المهم أنا خفت
خووووووووووووووف مو طبيعي وربي لوماهم مقفلين الباب كان شردت وطول الوقت وأنا منزلة رأسي وأردد آيه الكرسي والمعوذات وأحمد ربي وأقول انا مافيني شئ يارب لك الحمد على العافية

المهم خرجت من عنده وأخوي سألني هااه أيش حسيتي قلت ولا شئ قال خلاص نروح المره الجايه أنا قلت مستحيييييل

قال كيف لازم تروحين مو مره وحده وبس أنا قلت ابدا ماأروح ماقدرت أتحمل المهم هنا المشكلة جالسة أقول كيف أعرف حالتي لازم أروح كذا قراءة مايبان من أول مرة مدري وسوست فيني شئ مافيني شئ

المهم بعد هالشئ صرت خوااااااااافة ومااطفي النور لاجيت أنام والفترة الأخيره مااقدر أنام بغرفة لحالي وأتخيل تخيلات
تعبت نفسيتي صرت حتى أخاف اسمع رقية أخاف يكون فيني شئ

ماأدرى ايش اسوى صرت اوسوس ان فيني شئ لاسمح الله احيانا قبل النوم احس شئ بفخذي وساقي ورجلي يرف وينبض نبض وحده قالت هذا احتمال يكون مس

أخاف ان هذه تكون أوهااام ماادري أنا ولله الحمد ماأشوف كوابيس بس مرتين قبل سنه شفت ثعابين حلمين وبس

ساعدوني ايش اسوي الأوهام بتذبحني أخاف اسمع رقية أو سورة البقره لايطلع فيني شئ

الله يفرج همكم دلوني