ادخلو كلكم ياحبايبي اللي عندها خبره تقولي

الله يكون في عونك يبغى لك تتعبين معها شوي وتكونين صبوره بمعنى الكلمه يبغى لك كل شوي تدخلينها الحمام وتعلمينها كيف تجلس وتحاولين فيها وإذا ما عندها شي غسليها وطلعيها وعطيها حلاو مكافئة وقولي لها أعطيك لانك دخلتي الحمام خلي دخول الحمام ممتع بنسبه لها لاتضغطين عليها أبد ولا تخوفينها اذا توفقتي وسوتها مره وحده في الحمام بتصير تفهم الموضوع ويكون سهل عليك امدحيها قدام أبوها بأنها دخلت الحمام ومع التشجيع ودخول المستمر بتتعلم اهم شي اعطيها وقتهاالموضوع متعب شوي

الله يحفظها لك ..
فكرتك رائعة ولكن في فصل الشتاء الوقت غير مناسب .. عشان البرد ..
يعني لو تأجلين الموضوع شهر أو شهرين على الأقل حتى ترتفع درجات الحرارة قليلا يكون أفضل ..وحتى ما تأخذ برد نتيجة بلل ملابسها المستمر ..
أهـــــــــــم نقطة الحالة النفسية لك تنتقل لبنتك وتأثّر فيها بشكل كبير .. والحالة النفسية لبنتك راح تساعدك في تربيتها بكل يسر وسهولة إذا كانت مرتاحة ومطمئنة بإذن الله ..
وأهم شيء لتعليم بنتك الحمّام ( وأنتم بكرامة ) ..
- يكون عندك صبر وطوالة بال .. وابتعدي عن التوبيخ والصراخ في هذه المرحلة .. لأنك ممكن تعقدين الأمر عليك وعليها .. وحتى لو فشلت مرة ومرتين .. لا تحبطين وشجعيها .. فالتشجيع المستمر لها ومسك الأعصاب هو طريقك الوحيد للنجاح بمشيئة الله ..
- في البداية وديها للحمام كل نصف ساعة تقريبا .. ولا تنتظري منها تطلب منك ..
- تخلصي من الحفاظ بالتدريج .. بمعنى هدفك الأول تدريبها في البداية لما تكون داخل البيت كيف تتحكّم بنفسها وفي نفس الوقت تلبس الحفاظ عند الخروج من البيت .. مثلا بـ الأسبوع الأول داخل البيت .. ما تلبس الحفاظ بعد ما تتأكدي إنها قضت حاجتها ومع ذلك وديها باستمرار كل شوي للحمام .. لأنها ما بعد تعوّدت على التحكّم في البول ..
ملاحظة .. لا يستطيع الطفل التحكم بنفسه وهو نائم إلا بعد بلوغه 3 سنوات مع التأكد من عدم إعطائه أي مشروبات مدرة للبول قبل ذهابه إلى النوم .. مثل الشاي والعصير ..
..
- لا تصرخين عليها إذا فشلت مرة ومرتين حتى ما تركّز على المشكلة ويكون عندها حالة نفسية من الموضوع وتعاني مستقبلا من التبول اللا إرادي ..
-
- كوني صبورة وعطيها وقتك حتى تقضي حاجتها ولا تستعجلي عليها ..
- احرصي تكون ملابسها سريعة الخلع حتى ما تعملها وأنتِ منشغلة بخلع ملابسها .. عشان كذا الأفضل يكون التدريب صيفا بإذن الله ..
- إذا نجحت شجعيها وصفقي لها واحضنيها وقولي .. هذي بنتي الكبيرة .. اسم الله عليها .. أهم شيء اشعريها أنها عملت إنجاز ..
وفّـــــــــــري لها الآتي ..
- ملابس داخلية مصنوعة من النايلون ( حفّاظ كلوت ) يحجز البلل ..

- كرسي خاص بالأطفال لقضاء الحاجة ( نونيه ) .. ( تجدينه في الصيدليات والمحلات الخاصة ببيع مستلزمات الطفل ) .. حتى ما تتعب من الجلوس على كرسي الكبار وتملّ وتطفش وتتهرب ..

- احرصي على إدخال فوطة معاك وتلفيها عند الانتهاء والخروج ..

- وأنتم بكرامة - شبشب خاص بها لدخول الحمّام ..

الله يصلح بنتك ويحفظها لك ويحفظك لها .. آمين ..