اعذروني عالأخطاء لاني كنت أكتب بسرعه...
حبيت اقولكم اني استخرت قبل ماأخذ زيت الخروع ودعيت ربي اذا فيه خير اشربه واذا فيه شر الله يبعده عني...
واشتريته بس ماأستخدمته واكيد كان خير من الله...
بنفس اليوم ولدت والحمدالله على كل شي
تذكرو انه الأهم الدعاء والألحاح بالدعاء...
والله يسهل ولادة كل حامل يارب
الصفحة الأخيرة
أعتذر لأني تأخرت بذكر تجربتي بس تعبت بعد الولاده والحمدلله الأن أفضل بكثير من أول...
بدخل بموضوعي ومثل ماوعدتكم بقول كل اللي صار والله يجعل كل ولاده لكل حامل سهله وسريعه وربي يسهلها....
مثل ماتعرفون من دخلت التاسع وأنا كل شي أجربه وتركت كل شي طبيعي كنت أسويه بحملي الأول وبدأت بالأعشاب وخاصة وصفة قمم التميز وللأسف مانفعت معي وزادت سمك الرحم..
ومن عرفت أنها مافادتني تركت الوصفه وقررت أخذ بذور الكتان لمدة 3 أيام بس بدون فائده...
وفكرت انه أسوس تحريض باليد وبالفعل رحت للدكتوره وسوت لي تحريض ونزل دم أكرمكم الله لمدة يومين...
وكنت اتوقع أنها ولاده وصارت معي الآلام نفس الطلق بس الرحم مقفل...
تعذبت من الآلام وتعبت ورحت للمستشفى بس الرحم مقفل وجدآ سميك وكان فيه طلق والألم لايحتمل..
كان يعدي اليوم علي بسنه وكنت ادعي ربي يعجل بالفرج..
لأنه مافيني صبر عالألم والله يكتب الأجر يارب..
تركت كل الوصفات وأستمريت عالمشي بس مو كثير لأني كنت جدا تعبانه..
وبدأت بالرطب والأناناس فريش وعصير وعسل
لأنه كل اللي يهمني انه يخف سمك الرحم ولااولد بطلق صناعي ولا عمليه...
بعد مامليت رجعت لدكتورتي وسوت تحريض مره ثانيه وقالت إنه الرحم أفضل من أول بكثير وأنه الجنين نازل شوي للحوض...
وسألتها اذا اقدر أخذ زيت الخروع مانصحتني فيه وقالت براحتك اذا بتجربي بس لاتاخذي إلا ملعقه بس...
وسألتها عن الإفرازات الصفراء اللي تشبه المخاط كانت تنزل مع ماء سائل بس شوي مو كثير..
قالت إنها التهابات حتى لو ماكنت أحس بحكه وحتى لو مالها ريحه..
وصفت لي تحاميل...
طلعت من عندها عالصيدليه وأخذت التحاميل وقررت أخذ زيت الخروع لأنه كان آخر حل بالنسبه لي..
وبعد مافكرت شوي قررت اني أخلي الزيت عالأقل بعد 4 أيام..
خفت أولد وأسبب للبيبي عمى لاسمح الله من الألتهاب..
ورحت لأهلي وحبيت التحميله وأول ماطلعت اصبعي كان دم ونزل قطع دم كمان وانتم بكرامه استغربت قلت يمكن نفس الأول كله من التحريض..
وطلعت وكان كل شوي ينزل دم بس مو كثير...
وكنت أحس بالالام تروح وتجي بس قويه قلت اكيد هذا من الألتهابات...
قالت لي امي يمكن ولاده قلت مستحيل لأنه متعوده بأولادي تنزل المويا وكنت أنتظر تنزل المويا حتى اعرف أنها ولاده...
جلست أنتظر شوي إلا الألم يزيد وبروح ويجي تذكرت الطلق انه مايكون مستمر مثل الألم اللي كان يجيني اول..
هذا كان نفس الطلق..
قررت اروح لمستشفى مو نفس اللي أولد فيه كنت بشوف بس اذا الرحم فاتح أو لا...
وكشفت الدكتوره وقالت ولاده الرحم 2 سانتي قلت الألم هذا مو من الألتهاب قالت يابنتي هذي ولاده روحي للمستشفى أو انتظري ساعه واذا صار الألم كل 3 دقايق روحي ..
قلت طيب مانزلت المويا قالت مو ضروري...
طلعت وانا عندي شك أنها ماتكون ولاده رحت للبيت غليت عشبة كف مريم وأخذت عسل ودهنت ظهري بزيت دافي وحبة البركه...
وكنت أحسب الوقت حتى صار الألم كل 3 دقايق وقررت أروح...
لما وصلت قالت من 2 إلا 3 سانتي وقالت إنه المويا شوي نازله شافتها بإيدها..
هذا كان الساعه 3 بالليل وتنومت لحد الساعه 7 الصباح كان الألم يروح ويجي وفجأة وقف ولما كشفت الدكتوره كان إلى الأن 2 سانتي...
وفجأة كانت الممرضه عندي إلا تحرك جهاز التخطيط وتقولي تحركي وشوية تقول نامي عاليمين مره عاليسار وجهها تغير وكنت حاسه انه في شي
وبسرعه تجمعو علي الدكاتره والممرضات وكانت تقيس وتحرك الرحم بقوه وكنت ارجف وأبكي من الخوف..
وسألتني اذا انا شاربه أعشاب أو قرفه قلت لا...
وكنت ابكي واسألها ايش فيه...
قالت البيبي نبضه ضعيف وكنت اشوف الجهاز ينقص من 130 لحد 22 وكنت ادعي يارب لاتضيع تعبي وجالسه استودع جنيني...
وجاء الدكتوره ونزلت رجولي كأنه بولد قالت لو حسيتي بدف لاتدفي...
وجابت حديد طويل ودخلته واصرخ من الألم واقولها انتظري حتى يرزح الم الطلق وكانت وحده منهم مرره حنونه وتقولي طيب ياماما بخليها حتى تروح الطلقه..
والثانيه كانت تصرخ تقول مافي بعدي رجلك تبغي البيبي يموت لازم نقيس الأوكسجين ولازم ندخل للبيبي اوكسجين..
وكنت أصرخ من الألم فوق الطلق كان الم مو طبيعي جلست ربع ساعه ونزل المويا والدم بكثره ..
وبعدها قالت خلاص الحين صار الرحم من 3 إلى 4
وقالت النبض الحين احسن من أول...
وشوي إلا تجي الممرضه تعطيني ابره قالت هذي مسكن ولو حسيتي بنوم نامي...
ودقايق بس إلا ويبدأ الطلق القوي وكنت اصرخ وأحس بدوخه بس الألم كان غير محتمل...
وشوي إلا أقول للمرضه البيبي بينزل خلاص وتقيس وسمعتها تقول 7 سانتي وأنه البيبي تحت خلاص شايفته...
وقالت لاتصرخي اذا حسيتي بدف دفي...
وكنت أحاول مو قادره حسيت كل شي توقف فيني ونسيت حتى الدف...
وجلست ادعي وأحاول وكنت اف وحسيت لما طلع الرأس وكنت بوقف من التعب إلا يصرخو علي الممرضات لاتوقفي دفي
والحمدلله طلعت بنوتي وحطوها علي وماقدرت حتى اشوفها من التعب والدوخه...
واخذوها وانا أحس ابي أشبع منها ابي اشوفها مع اني قلت للدكتوره انا كرهت هالبنت بسبب اللي شفته بحملها بس بعد ماشفتها حسيت أنها روحي وأنه لو يقولو تتعبي وتجيبيها ماكان يهمني التعب عشانها لو أتعب أكثر من كذا...
خيطتني الممرضه كثير من جوا اتوقع كله من الحديد اللي دخلوه...
تعبت كثير بعد الولاده من المغص اللي يجي النافس بس الحمدالله بعد 7 أيام اختفى...
كانت هذي قصة ولادتي والحمدلله اني ارتحت بعد معاناه بوقت الحمل والولاده...
كل اللي بقوله انتبهو من الوصفات والأعشاب خليكم عالاشياء الطبيعيه وكثرو اناناس لأنه كان له فايده بترطيب عنق الرحم بعد الله
كثرو رطب إجماع وماء أقرب للحراره كل هذا بالشهر التاسع بس..
وبإذن الله تتسهل ولادتكم والله يحفظ أولادكم ولايتكرر اللي صار معي مع أي مسلمه يارب...
أدعولي ربي يحفظ لي أولادي ويهدي زوجي والله كتبت موضوعي عشان افيدكم بس
وان شاء الله تستفيدو