ادخلو وادعوو لي ياررب ترضيني وتريحني

انا والله ماادري من وين ابد اكتب وانا ابكي ابغاكم تدعون لي لان والله انها ضااقت فيني ولاعندي حد اشششكي له صار لي مووقف انجرحت منه م بداية سالفتي انا مطلقه وعندي اخ كبير واخ صغيرر توه ٩ شهور وامي تاركه تربيته كلها علي وانا متحمله وساكته ووضعي مو خواتي مومرره علاقتنا بسبب مواقف سووها لي موقادره انساها اليوم جا ابوي وودعنا بيسافر وامي طلعت لجارتنا واخواتي متزوجات ف بيوتهم وعندي ثنتين اخوات نظام دوام لان وحده بالجامعه وحده ب الثانوي المهم جا اخوي المتزوج ومعاه بنته عمرها يمكن اربع سنين وخلاها عندي وطلع وامها طالعه ف زواج المهم وانا امسك اخوي الصغير وارضع واغير يعني مشغوووووووله ع الاخر وتنظيف البيت المهم نام اخوي ورحت بنظف الباقي م البيت وخليت بنت اخوي ع التلفزيون وفجاه جيت مالقيتها انا خفت وينها لقيتها ماخذه الابتوب حقي وترش عليه مويه انا انصدمت ورفعت صوتي عليها لان ماعندي شي يسليني بهالدنيا غير لابتوبي اللي شريته بعد هم وذل انا وقتها خاصمتها وهي بكت قالت اصلا انتي تضربيني وانا والله مالمستها خذيتها وضميتها لان احب الاطفال وحاولت اهديها كسرت خاطري المهم دخل اخوي وهي تبكي وقام يخاصمني وانا انقهرت يعني ذي جزاتي ماسكتها طول الليل وساكته المهك زودها مررره وسبني مره وسب حياتي وجسمي وانا انصدمت ليش كل ذا الكلام عادي صغيره وغلطت وخاصمتها وراضيتها حتى بنته سكتت وعادي بس هو مرره معصب قلت انا موعدوتها انا عمتها المهم طول لسانه علي وسبني مره سب مايستاهل ذا كله وقال لي كلام عورني واوجعني مرررره والله ابكي وبس قال تبغبن الصدق قلت ايه قال والله والله مااحد يتحملك مالوم طليقك عليك لما طلقك وسالفة طليقي سالفه حسبي الله عليه وبس. ياناس قهرتني كلمته ولاتوقعت تطلع منه طليقي ربي ماكتب نصيب بيننا وانتهي والحمدلله ع كل حال بس ليه يقولي هالكلمه مررره مقههوره ابكي ع حظي وحياتي ابكي ع الكلام الجارح اللي اسمعه فاليوم مليوون مره بالله ماتجرحوني بالردود كفايه اكتب ودمعي ع خدي ..يااااارب فرجك ورضاك ياررب