<<<<< ادخلو وشوفو مشكلة هالمسكينه

ممكن تكون سرعة الجهاز بطيئة نوعاً ما .. كم هي سرعة الجهاز عندج وكم سعة الذاكرة .. ومساحة القرص الصلب هل تتناسب مع سرعة الجهاز؟

نور مشكوره على ردك


بس شلون اعرف سرعة الجهاز اللي اعرفه ان الذاكره عندي 256 ومساحة القرص الصلب

السلام عليكم جميعا انا عضوة جديدة واعاني انا ايضا من مشكلة لمن افتح الصفحة حقت منتدى حواء ما تجيني الخانات حقت اسم المستخدم والكلمة السرية ما ادري ليش واليوم الحمد لله طلعت ارجوكم قولولي ايش السبب والغريبة ان الصفحة ترحب فيني مع اني ما كتبت اسمي وان وللمعلومية لي اكثر من اسبوعين مشتركة في العضوية لا تطنشوني ارجوكم:44::44::

مرحبااااا خوااتي كيفكوووووون؟؟ إن شاء الله منااااح وملااااح

يلا وقفن بالدور علشان أجاوب :23:


*^* سنا الفضه *^*

ما شاء الله الذاكرة لجهازج حلوة .. بالنسبة للسرعة .. على الدسك توب بتلقين آيكون اسمه جهاز الكميوتر أو my computer تظللين عليه وبزر الماوس اليمين تروحين على الخصائص بتلقين البيانات الخاصة بجهازج وإذا دورتي عن السرعة وما لقيتها بينهم .. تسوين رستارت للجهاز وأول مل تطلع الشاشة السودا عند بدء التشغيل تقرين فيها بتلقين السرعة للجهاز هناك .. وبالنسبة للقرص الصلب تضغطين عليه باليمين وتشوفين سعته ولو عندج أكثر من قرص جمعي السعات تطلعين بالسعة التقديرية .. أحين مصطلة بعطيج طريقة أحسن للسعات إذا لقيت قريب إن شاء الله

إذا شفتي المواصفات حلوة وكل الأجزاء شغالة عدل جربي تسوين scan للأقراص الصلبة اللي عندج .. اللي هو check errors

إذا كل شيئ في السليم بيكون إحتمال كبير إن المشكلة في الويندوز والبرامج .. يعني ممكن فيها خلل أو الجهاز محتاج للفرمتة .. بس تأكدي إن الاتصال مضبوط .. يعني من الاتصالات عدل .. أما إنه مره سريع ومرة بطيئ فهذا شيئ طبيعي :26:

-----------

طفشانة .. تعالي أسألج عسى ما شر عيوني من مطفشج؟؟ ( أمزح ) :27:

شوفي عيوني .. ما تطلع لج الخانات .. لأنج لما تطلعين من المنتدى ما تضغطين على رابط الخروج الموجود في الصفحة .. فالمنتدى باستخدام الكوكيز يظل محتفظ باسمج والباسوورد .. يعني بمجرد ما تفتحين الصفحة يدخلج تلقائياً

أما إذا تبين تطلعين فاضغطي على رابط الخروج بتلقينه في أعلى الصفحة أو ممكن تروحين لملفك الخاص ------> تحرير الخيارات ----> دخول آلي عند رجوعك للمنتدى باستخدام الكوكيز ------> إختاري لا وبمجرد ما تسكرين الصفحة بيصير لازم تدخلين الاسم المستعار وكلمة السر


تحياتي :26:

مشكوره عزيزتي نور والله يوم لقيت الرد فرحت كثير الله يعطيك العافيه والله انهسهل بس عاد وش تقولين غباء