ادخلو وطمنوني والله اني مفجوعه

معقول عدد المشاهدات هاذي كلها ولاوحده مر عليها مشكلتي!! ولاوحده فكرت ترد ولو بدعوه ؟؟

الله يشفيك اختي مدري ليش خايفه مافي شي يخوف اللي عندك تكيسات وتجي اغلب الحريم ومنها الخفيف اللي يروح ومنها اللي يعطونك علاج ويروح والتكيس يقلل الدوره ويرتفع معه هرمون الذكوره فيظهر شعر زايد في جسمك ووجهك وطلبت منك تحليل او اشعه وقت الدوره عشان تتاكد وتكتب لك العلاج المناسب ربي يطمن قلبك

الله يشفيكي بالنسبه للكيس تعطيكي دوا وان شاء الله الله يروح لا سمح الله اذا مادومتي على علاج يصير بدو عمل جراحي

روحي ياشيخه الله يسعد قلبك ويطمنك مثل ماطمنتيني مادريت انه يروح بالادويه الا منك

اللي ردو عليك ماقصرو الله يجزاهم خير
تطمني التكيسات مو شي خطير
السبب ان الهرمونات عندك ملخبطه ولازم تضبطينها
والتحاليل طلبتها اثناء الدوره عشان في هرمونات معينه وقت ف***ا لازم مع الدوره
واعطيك اياها من الاخر ومن تجارب ناس كثير العلاج الاساسي هو اتباع حميه غذائيه منخفضة الكربوهيدرات
يعني مثل حمية الكيتو واتكنز وقاراطاي
او مجرد تحذفين النشويات والسكريات بكافة انواعها من اكلك
حتى الفواكه والتمر والزيوت المهدرجه امتنعي عنها بإستثناء مرتين بالاسبوع ممكن تاكلين شوي توت او فراوله كذلك ممكن تستخدمين سكر استيفيا كميات بسيطه مع مشروباتك واستخدمي زيت الزيتون فقط
ويكون اكلك بشكل عام صحي عباره عن بيض ولحوم ودجاج وسمك وروبيان وتونه اما مشوي بالفرن او مسلوق
وخضار غير نشويه بكافة انواعها كوسا قرنبيط بروكولي فطر باذنجان باميا لوبيا خضراء
وسلطات خضراء بكافة انواعها جرجير خس فجل سبانخ كرفس بقدونس كزبره
واذا ماتستغنين عن النشويات على الاقل قلليها لربع الكميه عشان تقدرين تضبطين هرمون الانسولين بجسمك
واشربي مويه كثير واعملي لك عصير اخضر من الورقيات الخضراء وخذي فيتامين د من الصيدليه
ومارسي اي نشاط رياضي هروله او مشي سريع
واذا تقدرين اشربي بردقوش اعمليه مثل الشاي ممتاز لضبط الهرمونات تاخذين منه ملعقه في كوب وتصبين عليه مويه مغليه وتغطينه 10 دقايق ثم تشربينه
ابحثي بالنت عن تكيسات المبايض وعلاجها بالحميه الغذائيه وانصحك بمقاطع دكتور بيرج ودكتور كريم علي قناته باليوتيوب اسمها فكر تاني وفي كثير لكن هذول بيخلونك تفهمين ليش حصل التكيس وكيف يتعالج بالحميه