ادخلو وفيدوني ولو بالدعاء ربي يوفقكم

السلام عليكم .. 
جتني الدوره اليوم والحمد لله وانا ما تابعت عند دكتوره لي كم شهر وكل دوره ابغى احمل بس كان عند زوجي مشكله تشوهات وضعف والحين ماشاء الله تحسن كثيير عشان كذا قلت لازم ابدأ بنفسي مع الاستمرار بعلاج زوجي لاني والله مشتااقه  للأطفال لكن اعرف اذا حان وقت رزقني بيجيني باذن الله وكله مكتوب .. طبعا الحمد لله مافيني مشاكل ودورتي منتظمه وقبل قالي الدكتور اول ما جيته حتى ما كشف سوي اشعه الصبغه وتعالي عقبه تركت المستشفيات لي فتره كم شهر والشهر اللي فات استخدمت علاج شعبي لكن ربي ما كتب لي والحمد لله .. ابغى جدول اتبعه من اليوم لين وقت الدوره الجايه تنشط لي وتزيد لي فرصه للحمل باذن الله من تحليل واخذ وترك المحظور وحتى النوم مع زوجي ودي آخذ بالاسباب واسوي اللي ربي قدرني عليه ..  وي ليت وحده تكتب لي خطه علاجيه مجربه وباذن الله ربي اكرمها بالحمل مع اسم الدكتوره ربي يسعدها اللي تفيدني والا اي وحده لها خبره بالموضوع طبعا اكيد مع الدعاء والاستغفار وقراءه القرآن والصدقه لكن ما نهمل الاخذ بالاسباب وهذا اللي اقصده .. واي وحده ما عندها معلومه تدعي لي بظهر الغيب ومو لازم تكتب الدعاء بس تدعي لي ربي يرزقني بالذريه الصالحه عاجلا غير آجلا وما ننسى انه فيه ملك يقول ولك بالمثل وكل المسلمين والمسلمات 
لا تطنشوني لو سمحتو ..