روحــ لك ـــي :

أختي غلا لو قلتي ولدج عمره ثمان سنوات بقولج ماعليه ناقشيه بأسلوب يفهمه ووضحي له انه غلط يتابع التلفزيون على طول.. لكن خمس سنوات؟ صعب يفهم!! الطفل في هالسن عنيد وماراح يسمع لج خصوصاً في البداية وانتي غلط تسحبين الفيشة قدامه وتقوليله مافي تلفزيون إلا العصر وتحددين له الأوقات بالكلام!! يعني تخيلي لعبه في إيده... تيين تسحبينها تقولين له لا مافي تلعب فيها بعدين!! بالنسبه له انتي قاعده تحرمينه وبس!! وبيتعلم العناد والصراخ وبعدين بترجعين تذعنين له وبالتالي بيعرف انه كل ما صرخ وهستر عليكم بتسوون اللي يبغيه!! لا تشاورينه ولا تناقشينه!! بالليل يوم ينام .. اسحبي واير الدش أو الواير اللي يوصل بين التلفزيون والدش.. مكان يكون ما يشوفه ومايعرف وشو اللي حاصل.... وإذا سألج الصبح ليش ما يشتغل ردي عليه وبدون ما تغيرين نبرة صوتج أو تبينين له انج قاعده تقنعينه بشي.. قوليله مادري يمكن خربان.. وأسكتي وروحي إذا حسيتيه بكا ويبغي التلفزيون!! ارجعي وبيني نفسج قاعده تحاولين تصلحين التلفزيون ومثلي بكل جديه انج قاعده تحاولين.. حسسيه انج معاه وانج تبين التلفزيون يشتغل.. (طبعاً قبلها يفضل انج تخربين قنوات الكرتون في الصالة) عشان ما يلقى بديل.. بعدين بكل ود وعادي قوليله ما رضى لما ايي بابا نخليه يصلحه.. والظهر رجعي الواير من غير ما يشوفج وهكذا كل يوم .. بيرتبط معاه انه التلفزيون ما يصلح إلا لما ايي البابا.. كل يوم جذيه هو بنفسه بعدين من تلقاء نفسه ما بيروح يشغله الصبح لأنه بيتعود انه هالوقت يخرب!! .. عرفتي وحاولي بشكل تدريجي تخربين عليه التلفزيون يعني لا تقطعينه عنه فترات طويله مره وحده، لأنه متعود على عليه .. يعني مع احترامي للي ردوا قبلي .. غلط انج تطلعين التلفزيون من غرفته مره وحده قلتيها قاعد عليه على طول يعني؟؟؟؟ وانه مسألة بربية ومابعلمه الدلع.. هو مش غلطته انه توفر له التلفزيون 24 ساعه!! فليش يتعاقب عليها؟؟؟ وبالتالي تصحيح الغلطه مش أنج تعكسين العملية مره وحده!! الفترة الأولى الصبح!!! بعدها شوي شوي انه بعد المغرب مافي!! وهكذا لين بس يتعود يلقى لنفسه بديل عن التلفزيون... ساعديه يتخطى هالشي.. وترى مب كل شي بالعنف وهو أصغر من انه يفهم انه التلفزيون بيأثر على مستقبله الدراسي.. التلفزيون بالنسبه له توم وجيري ترى لا أكثر!! بعده ما وصل سن يعرف فيه العواقب فلا تعاملينه باللي ما يقدر عليه..

أختي غلا لو قلتي ولدج عمره ثمان سنوات بقولج ماعليه ناقشيه بأسلوب يفهمه ووضحي له انه غلط يتابع...