السلام عليكم ورحمة الله وبركاته
كيفكم بنات ... انا احب هالمنتدى الديني لان احيانا نكون متضايقين او فيه مشاكل عندنا وسبحان الله تعكر حياتنا مع ان الحل بسيط وبإيدينا ( نلجأ لله وحده دون سواه ) فتعودت ان لما تكون عندي مشكله او متضايقة او مكتأبه ادخل هنا واقرأ واطبق بعض الاشياء اللي اقراها وارتاح .
ومن الأشياء اللي كلنا عارفينها الصدقه وكيف انها تدفع البلاء وتطفئ غضب الله وأشياء كثير الكل عارفها ..
لكن وضعنا كإناث احيانا مانقدر نتصدق بسريه يعني لما نتصدق فيه كم شخص يعرف بالصدقه لانك احيانا تحتاجين ترسلين احد يجيب اغراض الصدقه او ان احد يوديك تدفعين الصدقة او تزورين ناس تتصدقين عليهم ..
المهم اللي خلاني اكتب هالموضوع كذا سبب :
اولا ان شالله ربي يكتبه لي صدقه ويجعله بميزان حسناتي .
ثانيا انا عندي مشكلة مضايقتني كثيييييير وأسأل الله ان يجعل هالموضوع بين يدي حاجتي ويقضيها لي قولو أمييين .
ثالثا طريقة الصدقة سهلة جدا بهالموضوع وكمان كفالة يتيم وكلها تتم عن طريقك انتي ياما بالتلفون او عن طريق النت بس لازم يكون عندك حساب بنكي .. او حتى عن طريق رسالة جوال .. وحبيت الكل ينتفع فيها .
نبدأ الموضوع :
ندخل موقع الجمعيه الخيريه لرعاية الأيتام إنسان وهذا هو موقعهم
http://ensan.org.sa/home/
طبعا الموقع سهل كثير وشارحين لك كل شي .
وفيه عندك عاليمين اعلان صغير كاتبين فوقه انسان تسعد انسان وحاطين لك ارقام ترسلين رساله فارغه عليها بنية الصدقه ويتم التبرع وقتها بقيمة الرساله للجمعيه ممكن عشرة ريال وممكن تكرري الرساله .
وفيه عندك التبرع للجمعيه وهذا اللينك حقه
http://www.ensan.org.sa/home/donate.html
طبعا بهالصفحه شارحين لك ياتتبرعين عن طريق الصراف او الهاتف المصرفي او النت وحسب المبلغ اللي انتي تبيه . وحسب البنك اللي حسابك فيه .
الحلو بالموقع يايبنات ان الصدقه فيه سهله وماحد يدري غير انتي وربك انصح الجميع فيه ..واللي تبي تنقل الموضوع لمنتديات ثانية تنقله وتدعيلنا وتذكر المصدر .
اتمنى يابنات اني افدتكم ولو بشئ بسيط .. وإن شالله ربي يكتب لي ولكم الأجر .
أسأل الله العلي العظيم مالك الملك الرحمن الرحيم الحليم العليم القادر القدير انه يجعله بميزان حسناتي ويستجيب دعائي ويحقق لي امنيتي من 12 سنه اتمناها ويفك كربتي ويفرج همي ويجعل لي من امري مخرجا وفرجا عاجلا غير اجل يارب
( يارب يارب يارب ياسامع الصوت وياسابق الفوت وياكاسي العظام لحما بعد الموت صلي وسلم على نبينا محمد صلى الله عليه وسلم .. اللهم اني اجعلها بين يدي حاجتي اللهم فاقضها لي يارب وادفع البلاء .. اللهم اجمعني انا ومن احب واكتبه من نصيبي يارب العالمين امييييين )
bewithme @bewithme
عضوة جديدة
يلزم عليك تسجيل الدخول أولًا لكتابة تعليق.
المتوكلة 2011
•
جزاك الله خير
دونا
•
الله يسعدك ويفرح كربك
ويجعل لك بعد كل غم فرجا
وكل ضيق مخرجا
وكل بلاء عافية
ويبشرك بما يسرك
بسألك
الحين لما مثلا ارسل رسالة فارغة لا نسان
تصير صدقة ب ١٠ ريالات
هل كلها فعلا تروح لانسان او ان نسبه منها تروح لخدمة الجوال؟
مرة سمعت ان نصها يروح صدقة ونصها يروح لخدمة الجوال
بس مو متاكده
بكذا يكون التحويل من النت او الصراف احسن
ويجعل لك بعد كل غم فرجا
وكل ضيق مخرجا
وكل بلاء عافية
ويبشرك بما يسرك
بسألك
الحين لما مثلا ارسل رسالة فارغة لا نسان
تصير صدقة ب ١٠ ريالات
هل كلها فعلا تروح لانسان او ان نسبه منها تروح لخدمة الجوال؟
مرة سمعت ان نصها يروح صدقة ونصها يروح لخدمة الجوال
بس مو متاكده
بكذا يكون التحويل من النت او الصراف احسن
الصفحة الأخيرة