ادخلي اقري قصة حياتي ترضين بحياتك

يابنات ابي منكم الدعاء بس لان مشكلتي مالها حل انا انظلمت كثييييير بحياتي واحس بالنقص من يوم وانا بنت الى الان لان ابوي الله يسامحه من يوم كنا صغار يعاملنا مثل الشغالات وبس يضربنا وما يحبنا واذا صرف علينا منه علينا حتى بالاعياد مو دايم يجيب لنل واذا جاب لنل قام يخانقنا مالكم بالطويله المهم ابوي لما تزوج حرمه ثانيه قام تخلص منا حنا الثلاثه وطلعنا من المدرس وزوجنا اردى الرجال رغم اننا والله العظيم طيبات وما ينقصنا شي والناس تحسد ابوي علينا بس مايبينا طشنا طش من غير مهر ولا جهاز وولا عرس وولا شي عشات يتفرغ للمره الجديده لا وفوق هذا قام يسب فينا عند حمولتنا لين الحين مايحترمونا وحياتنا كلنا زفت اختي الكبيره زوجها يهينها ويضربها على الطالعه والنازله واختي الوسطى تزوج عليها زوجها وخلاها خدامه لزوجته وعياله خصوصا انها مسكينه ياحرام ابوي كاسر شخصيتها وانا اااااااااااااااااااااخ بس الله يعوضني الجنه بس زوجني واحد اكبر مني بحوالي 10سنين لا يقرا ولا يكتب امي وتفكيره تافهه وسطحي ما يشغل تفكير ه غير الاكل والجنس بس لا وفوق هذا ضعيييف شخصيه عند اهله يتكلمون فيني يسكت مايقدر عليهم ويقدر علي يجي يضربني يصدق اي شي فيني طفشني دفني وانا حيه طلعلي جلد غير جلدي وامرضني صار فيني قولون وغده من زود الحاله النفسيه انا ماانكر انه طيب بس مو طيبه بالعقل طيبه خباااال تصل للسذاجه وفوق هذا كله ماله علاقات مايجينا احد ولا نروح لاحد بس محبوسين وهو دوامه استلامات ياما مر علي من الخرعات وياما قضيت الليالي مانام من الخوف وحتى الحموله زففففت ناس ماتخاف الله غيره وحسد اوقطاااعه امايجون بعض ابد لا مناسبات ولا غيره واذا زرتيهم تاففوا منك سبحان الله ماهم اجتماعيين لا ولا همهم لا عيال ولا حتى عيال العيال لله يكفيني شرهم بس المهم الزوج المحترم سبحان الله كسر كل شي داخلي كسر الحب والامل الانوثه والثقه والاحترام كل شيييييييييييي لانه انسان مايستاهل تخيلو اول ماتزوجته قمت اعامله بادب وحنان ونعومه وادلعه واحترمه قام هو فهم كل هذا انه ضعف وقام وكلني تبن يضربني ويهيني واذا شافني اذاكر قام قومني بالضرب عشان املا بطنه وفراشه الين سقطت بالكليه وانا اول مااخذ الا من الاوائل المشكله اروح اشتكي لابوي قام طلعني من الباب تسكرت الابواب بوجهي ماادري ايش اسوي الين جا يوم من الايام وقال لي كلمه دارت فيني الدنيا وضربته كف ماينساه طول عمره ليش لاني قلت له ليش ماتدرس تحسن من وضعنا المعيشي لان راتبه 3 الاف لدرجة الناس قامت ترحمنا المهم من يومها طلع لي جلد غير جلدي ووريته العين الحمرا وكرهتهه وبس صابره عليه عشان هالوغدان لان مالنا سند ولا ظهر واصلا سبحان الله حتى بالتفكير ماننسجم لا وسوالفه تااافههه مايجيب لك شي ينفعك ابددد بس يسولف بالناس فلان قال وفلان بهه ويتنحت خلق الله لكن لو تسالينه عن شي بالدين ولا ايه او حديث او شي بالعلم او بالحياة او حتى الرياضه والسياسه مايدري وين الله حاطه وافرح اذا سافر وطلع من البيت افتك من مقابله المهم انا على هالحال 15 سنه الله يعوضني بعيالي ويعوضني الجنه لاني ماعمري حسيت اني متزوجه وعندي حموله مثل الناس بس الحمد لله والشكر ربي انعم علي نعم لاتعد ولاتحصى احمده واشكر فضله وحرمني بس من نعمة الزوج وان شاء الله يعوضني بصلاح عيالي وبجنه عرضها السموات والارض لان الدنيا مهما امتدت زايله والاخره هي الباقيه