أسأل الله أن يلهمك الصبر والسلوان ويثبتك ويأجرك في مصيبتك ويخلفك خيرا منها ..
اتجهي لله بالدعاء واكثري من الصلاة والاستغفار وبإذن الله سترتاحي غاليتي وأنت بين يديه ناجيه واشكي له همك واحتسبي اجر صبرك حبيبتي لن يضيع بإذن الله..
ولا تنسي بأن الرسول اخبرنا بما معناه ان المؤمن مأجور حتى على الشوكه التي تألمه..
غاليتي قلبي معاكي ومع كل اخت في حالتك..

أول شئ ليه الحزن هذا كله اخت غيمة وفاء لازم ترضين بقضاء الله وقدرة :27:
ثاني شئ الله يهديكم يا بنات المنتدى ليه انتو ما خذين الموضوع بعصبيه والكل يتحسب وأنه صار مصيبه
أنا ما أقول كذا عشان ابي اعارضكم لا والله بس المفروض نذكرالأخت غيمة بأنه أمر عادي وما ننسا ان الرسول صلوات الله وسلامه عليه انه كان لديه عدة زوجات وهو رسول الامه
بعدين انا عندي نظريه :
اللي عندة الرغبه من الرجال أن يتزوج ويحط على زوجته دره لها أهون من أن يطلقها وذلك إثبات لها امام الناس انه يحبها وما زال قدرها محفوظ
فا نصيحتي اختي غيمه عليك بالصبر لأن صبرك ورضاك سوف يسر زوجك وسوف يكون فخور بك ولا تحاولين انك تناقشينه او تحسسينه انك غضبانه بالعكس حاولي أنك تكسبينه وصدقيني راح تكبرين بعينة
:27: بعدين يا أخوات عندي لكم نصيحة اللي تتزوج تحط في بالها انه ما لها إلأ ربع الرجال وليس كامله:27:

ليه ياختي سحابة غيم

الي تتزوج تحط في بالها انه مالها الا ربع الرجال

اظن هذا الكلام للى تبي تتزوج واحد متزوج

اما الى تاخذه وهي اول وحده بحياته اكيد لها كله مثل ماهي كلها له

صــــــــــــــــــــــــــح ولالا يابنات

نعم الاخت في الله أنت ..
نعم الصابرة ..والمؤمنه بقضاء الله وقدره ..وصدقيني ستنجحين وستظفرين بالخير الكثير في الدنيا والاخرة ..وبأذن الله

ثقي اننا معك يا غيمة ..ولن ننساك ابدا بالدعاء ..وبأذن الله

اللة يكون بعونج يكتب لج الاجر يارب0
بس انا بنظري ان زوجج لما يشوفج ساكته ومومبنية له شي بيحط في باله انج مومتأثرة وبيتمادى والدليل انج تقولين صار يطلع بعدالغدا ومايرجع الا نص الليل0
صارحي زوجج قوليلة انج متحمله وصابرة وساكتة عشان ماتضايقينه0 وقوليله مابي احس انك متزوج ثانية يعني طريقتك معاي من قبل زواجك من الثانية لاتتغير ولاتخلينه يتكلم عنها لابزين ولابشين0
عشان يدري انها موهامتج0واذا تكلم عنها عندج معناتها يتكلم عنج00000 عندها

بس ماقلتيلنا شنو سبب زواجه من ثانية؟::44: