صحيح .........
رب أخ لم تلده أمك ........ هذا أنتوا ........ الله يجزاها بالخير ويسعدها في حياتها كل من ردت علي وهونت من بلوتي

ودي أرد على كل أخت فيكم !!!!!!!!!!!

لكن همي كل يوم يزييييييييييد ........ وأحاول استمر بأسلحتي وجيوشي اللي ذكرتها قبل ........ لكن مازال جرحي ينزف (( الحمد لله على كل حال أسأل الله أن يرفعني بها درجات عنده ))

التطور الأخير ....

يوم قبل يومين كان عندي وقال لي إنه يبي ياخذه نزهه الأربعاء حتى يوم الجمعه <<<<<<<<وش تتوقعون ردت فعلي ؟؟؟؟؟؟؟؟


تكدرت لأبعد درجه و لا نطقت له حرف <<<<<<<<<< وما حيلتي غير دمعي أصبح مثل المطر <<<< وهو يهون علي إنه الأسبوع القادم أو أي وقت ثاني بيعوضني هاليومين و أنه قبل ما يتزوج سافرنا سواء -أي سفر لوحده مهمومه-<<<<<< ولارديت مستمره في البكاء
تفاجأت بالخبر <<<<<<<ياحسره كنت مفكره أستغل يوم الخميس و أحاول استانس معه فيه حتى إني فكرت أرسل بنتي لأهلي والسيد مخطط على أكبر ......... ما أقول غير


حسبي الله ونعم الوكيل اللهم أجرني في مصيبتي و أخلف لي خيراً منها

مو قادره أهدأ أو أنسى مهما خرجت من البيت أو غيرت جو همي معي ما يفارقني

ختى إني بكره ماني بعارفه وشلون أستقبله >>>>>>>> حاسه إني محطمه و إني لايمكن أشوف سعاده من بعد هذا الزواج!!!!!!!! اليأس تملكني لأبعد درجه حتى إني حاسه بشكلي متغير سواد تحت عيوني والحزن واضح علي و أصبحت عصبيه بزياده حتى بينتي اللي ما تفهم شيء أصارخ عليها ......

حبايبي .......

اللي عندها نصيحه أو طريقه لا تبخل علي !!!!!!!!!!!!!!!!

تصدقون إني أحياناً استخير في الطلاق ولا العذاب النفسي اللي عايشته

كل ما حاولت أتغلب على نفسي يصدمني بشيء جديد آآآآآآآآآآآه يافارج الهم ياكاشف الغم يااااااااااااارب

أعتذر عن الإطاله عورت قلوبكم سامحوني ......

مو قادره أكمل ودي أقوم أصلي وادعي الليله الجمعه

لاتنسوني من دعاكم .......

هلااااااااا اختي غيمة وفاء الحمد لله تطمنا على اخبارك والله اني طول الا يام الي فاتت افكر فيك بس ماشاء الله

تبارك الله عليك صابره وعقلك يوزن بلد .... شوفي لا تفكرين بطلاق خليه اخر شي ...... بقولك شغلات تسوينها

اذا مر فتره ولا فاد سوي الي يريحك ......... اقصد قرارك انتي يا اما انك تواصلين زواجك ...او لا قدر الله


تنفصلين عن زوجك .......... يا امساك بمعروف او تسريح بأحسان


شوفي اول شي اقعدي فتره اسبوعين كذا مهملت زوجك ولا تسألين عنه واذا جا ... سوي نفسك تقرين في كتاب
ولا مشغوله في بنتك ولا تكلمين تلفون ولا تتفرجين تفلزيون بس في غرفه غير الي دايم تجلسون فيها .......

انقلي التلفزيون والتلفون والكوبيوتر بغرفه وحده مع سرير او المفرش الي بتنا مين فيه ....... ونامي في

الغرفه لمدة اسبوعين ........ بس مو معناته اذا جا البيت انتي مكشره وزعلانه لا خليك عادي وقومي فزي ورحبي

فيه بس لا تعطينه وجه شوي وبس قولي تامر على شي حاجه اسوي لك شاي قهوه الي تبي يا غلاي .......

وبعدين لا تطولين معه سوي الي اطلبه منك وروحي كملي الخطه خليه يقول في نفسه غريبه وش ذا المره بدت

تقل اهتمامها فيني هو بيخاف اصلا بيقول ليكون ماعد تحبني زي اول ...... ترا الرجال يحب يشوف المره تشتاق

له اذا جا وتدلعه وتتغنج له يتلذذ بشغلات ذي لانه متعود على كذا منك ........ ورحي اقعدي على النت ولا سوي

نفسك تكلمين احد ولا تلعبين بنتك ....... المهم اقعدي على ها الحال اسبوعين ولا ترحمينه ....... بس بأدب واحترام

معه علشان تنكسر عينه يبي يدور شي يهاوشك عليه ما يقدر ........


وبعد كذا هو الي بيجي ينا قشك قولي له انت الي حد يتني اسوي كذا خلاص انا غيمة غير الاوله الي تعرفها
وش تبيني اسوي لك يعني حتى التمشيات اذا قالك يا الله .... قولي مالي خلق اليوم ما نمت وودي اكمل نومتي
حسسيه ان حتى التمشيات مو متلهفه اطلع معك زي اول ............ هو بينقهر ويمكن يروح للثانيه ويغيب

اسبوع ولا اسبوعين يبي يقهرك بس ما عليك منه واصلي الخطه ...... لان الرجال اذا شاف مرته بردت من نا حيته

راح يركض وراها ويوسوس في نفسه خا يف انك تطلبين الطلاق منه .......... وبعدين اهم شي خليك واثقه من
نفسك في كل شي ...... يا جبل لا يهزك ريح ........ المهم بجي لحضه بيشب نار منك ومن تصرفاتك ......

قولي له ....... انت السبب في كل شي خليتني ما احس بك وانت جاي ولا رايح من طريقة تعاملك معاي
ونسيت حتى العشره الي بينااااااا ونسيت اني ام بنتك ........ همك نفسك وبس ...... اناني تبي كل شي لك

ما فكرت في دموعي انصاص الليالي . ....... وانت ؟؟؟؟؟؟ يا اما انك تتعدل معاي وتحس بوجودي ولا مع
السلامه ........


بس غيمه ترا اكتب لك من الحره الي فيني بس انتي لك القرار النهائي بيدك شوفي انتي تعرفين زوجك اكثر منا

اذا تحسين انه مهما سويتي ومهما حطيتي ما ينفع معه .......... اتخذي القرار الي تثبتين عليه

واذا تحسين انه قام يتغير للافضل اصبري شوي شوي عليه براحه لا تستعجلين المشوار قدامك طويل


بس الله يخليك لا تضيقين صدرك علشان دنيا فا نيه حاولي تغيرين حياتك بشتى الطرق طلعات مع الاهل انترنت

خذي لك دورات كوبيوتر ....... اي شي


وفي النهايه ما اقول الا الله يفرج همي وهمك وهم كل مسلم ومسلمه الارض ضاقت بنا مالنا غير الا ستغفار والدعاء

السلام عليكم ورحمة اللة وبركاتة

اختي الغالية اسال اللة العظيم رب العرش العظيم ان يربط علي قلبك ويثبتك ويهون مصابك
واللة اني اعلم ان زواج الرجل علي زوجته من اكبر المصائب عندها ولكن المؤمن مبتلي ومؤجور علي هذا الابتلاء
ونعم الله علي الانسان اكثر من تحصي وكل شئ يبدا صغير ويكبر الا المصيبة تبدا كبيرة وتصغر
اعرف وحدة معرفه شخصية انسانة مستقيمه جميلة سمعت من المدح والتغني بجمالها وصفاتها ما اعجز عن ذكرة
حتي ان وحدة راتها مع اختها في احد الاعراس فتكلم صديقتها وتقول اكيد انهم من كوكب غير كوكبنا مستحيل يكونون
من الارض وهذا الكلام سمعتة باذني تزوج صديقاتها الصالحه والطالحه واخواتهم الاصغر منهم وانجبو ودخلو ابنائهم المدارس انظري الابتلاء وهي علي حالها اختصار السالفه تزوجت انسان مطلق وعنده خمسه ابناء صحيح انه مقارب لها بالعمر ولكن تخيلي موقفها لم تحس بالفرحه اطلاقا لقد بكيت من اجلها كثيرا وتقطع قلبي وكانت دائما تردد هذا الخير لي اكيد
تقول بعد زواجي واجتماعي باهله وجماعته شفت بناتهم ولا وحدة ماخذه متزوج الا انا رغم انهم اقل مني بكل شئ
من ناحيه الجمال والطاعه الخ وكل ما حست ان الشيطان بيلعب عليها تدوس علي قلبها وتقول هذا الخير لي اكيد
ربي ما زوجني هذا الانسان الا انه اصلح انسان لي تقول من شده الضغط علي نفسي احس انها قدامي ودوس عليها
ومرت الايام وفعلا هذا الانسان طلع من احسن الرجال وحاطها فوق راسه ومسعدها حتي انها تقول لو يجيني
احسن الشباب ما يسوي وطيه رجلي بالارض وانا طبعا مختصره كثير من قصتها ومن الكلام اللي سمعته
فانتي ياعزيزتي ماتدرين لو عرسه هو الخير بالنسبه لك يعرف قدرك وخيرك ويرجعه ربي لك احسن من الاول
اسمحيلي علي الاطاله بس بغيت اخفف عنك الله لا يحرمك الاجر

الله يكون بعونك ويصبرك ويربط على قلبك ويسخره لك وتصيرون كذا:39:

ماأدري وش اقولك أختي
أحس انه ضاق صدري علشانك
لكن توقعي اي شي وحطي في بالك انه اي شي راح يسويه
هيئي نفسك لكل شي وحطيها في حساباتك علشان ماتنصدمين

الله يعينك الله يعينك الله يوفقك الله يوفقك
يارب ترجع لغيمة وفاء زوجها عاجلا غير اجل
وتريح نفسيتها وتقر عينها بزوجها .. يااااااارب

وادعي ربك انه يشيل حبك له ..