انا متضايقه لاني ماقدرت اكمل الجامعه مثل ماتمنيت
ولا لقيت لي وظيفه تشغل وقت فراغي ياحسره
وزعلانه بعد لان زوجي دايم طالع برا البيت وهاملني .. وكل يوم لانتصف الليل اروح انام على سريري جنب عيالي بلحالنا واحس اني من البؤساء

اختي.......................................... خوله بنت الازور
دايما ركزي على الايجابيات وانسي السلبيات (يعني لا تكثري التفكير في انك سلبيه ) بيتي مو كويس عيالي ما يحبون طبخي و.....لا لا لا لا لا لاوالف لا كرري دائما انا كويسه انا اطبخ زين زوجي مو مقصر غيباته من شان مصلحتنا
وتذكري ان كل البشر مو كاملين بس فيه منهم من لا يفكر في السلبيات بل يطمح لان يكون من افضل للافضل
مع الاخذ في الاعتبار اتخاذ خطوات عمليه تجاه ما يسبب لك الازعاج (شغل البيت من الان ابدئي فيه .من الليل جهزي سلطات للغدا ........او موالح للعصريات بس مو ترهقي نفسك قليل دائم ولا كثير منقطع يعني لما تحسي بفضاوه دوري شغله وترا التجديد في المنزل يزيد النشاط حتى لو هي تحف بسيطه..
والله يوفقك

الله يفررج علينا كلنا يارب
اسمعووني والله يعينكم.....
انا حظي ولله الحمداسوأ من السوء والحمدلله على كل حال
للحين ماتزوجت
كنت مخطوبه ست سنين لشخص مااحتكيت فيه الا قليل وكان بالخارج يكمل دراسته والكل يمدح فيه ويوم جا وشفته وجلست معه كنت راح امووووووووت ولا آخذه واستخرت واحلم فيه احلم شينه وصممت على موقفي وفسخت الخطوبه وسط مشاكل لا حصر لها من اهلي واقاربي ماقصرو فيني انا كنت شايفه شي غيرهم هم شايفينه منصب وعائله وكشخه وحليو بس انا كرهته من كل قلبي
والحين بعد ثلاث سنين من قراري طلع كلامي صح واحساسي ماخاب بس بعد ماقهروني والحمدلله
بعدها الانسان تقدمولي اكثر من شخص وكل واحد فيه شي الا كان متزوج ولا قالنا واللي كان هدفه مادي وو...
المهم كل فتره افرح واقول خلاص بتزوج وبعدين يخيب املي والحمدلله
والحين انخطبت لانسان الله واعلم انه مريض نفسيا ليش
لأن الخيانه بدمه قبل لا يخطبني كان له علاااااااااقات كثيره عنده لهفه على النساوين بطريقه غريبه يمكن لان امه ماعاشت معه وماعنده اخوات شقيقات قريبات منه
بعد الخطوبه حسيت انه حبني كثير وشفت الشي ذا بعيونه وقالي انه خلااااااص ماعاد يكلم ولا واحده
وللأسف رجع لطبعه وبعد المواجهات قال ماراح يسويها وتوبه
واكتشفت انه كذاب ومافي فايده
والحين ساير وقح ويقولي انا رجال واسوي اللي ابيه
وبعدين وش مزعللك انا احبك ومردي لك وش مخوفك
المشكله
اني داخليا تحطمت وكرهت الرجال كلهم واتمنى اترك هاللانسان
ولكن
حبيته بجنووووووووون وذا موبيدي
الحمدلله على كل حال الحمدلله على كل حال الحمدلله على كل حال

اكثر شئ مضايقني هو الغربه
يعني مثلا رمضان على الابواب وبصراحه مافي احلى من انك تكوني عند اهلك تبغي انك تقبلي يد امك ابوك بمناسبه رمضان او العيد ماتقطدرين
او اني اجتمع مع اخواتي اوعماتي ......
مع انه زوجي والحمد لله مايقصر اللي ابغى عشاني يسويه
اللهم صبرك ورضاك يالله:26:

انا عندي وايد اشياء مضايقتني .. وراح امللكم لأن من أمس أفكر شنو اكتب لكم وعجبني الموضوع وايد ::
1_ احس اني مقصرة في حق زوجي وايد يعني مثلاً انا صار لي 6 سنين متزوجة بس ماسويت له مفاجآت إلا يمكن أربع مرات .. لأني قاعدة في غرفة ببيت أهل زوجي وصالتي مو لاصقة فيها مقابلتها .. وكل ماقول بسويله وبغير اتكيسل ولا اسوي ..


2- لساني .. انا من النوع اذا وحدة قالت لي شي عادي اقوله يعني مامسك لساني وعقب يطلع علي اغلى من بيع السوق لأنهم ينقلون الكلام ويطلعوني اني ماعرف امسك لساني ابداً مع ان الموضوع عادي جداً ...


3- حساسة زيادة عن اللزوم يعني لو اهل زوجي قطوا علي اي كلمة اقعد طول الليل افكر واحس اني اغلي من الداخل ..

4- في دوامي قبل لا اتعرف على البنات كنت ثقيلة وناعمة ورقيقة <<<< عموماً اللي يشوفني ياخذ عني هالفكرة ..
لكن بعد ما تعودت عليهم طاحت الميانة وايد وايد وانا متحسفة على هالشي لأني أحب الغشمرة والضحك ودايماً يقولون لي قبل كنتي غير والحين غير وطلعتي خفيفة وايد .. وكل يوم اقول بكرة بتغير برجع نفس قبل لكن ترجع حليمة لعادتها القديمة ...



5 - أهل زوجي ما يعجبهم العجب يعني لو اقعد بالبيت اسبوع ماطلع وجيت طلعت يوم قالوا أني كل يوم أطلع لو تركت عيالي يوم قالوا أنا ماشوف عيالي ومهملتهم ولا أمسكهم .. مع أن خوات زوجي وحدة دايماً دايماً تطلع والثانية تخلي عيالها عند أمها باليومين وهي ما عندها اي شي تكون قاعدة ببيتها .. <<<< يعني ما يشوفون نفسهم يشوفوني أنا ..


6- أخوي صار له يمكن أكثر من 6 شهور ما يكلمني لأني أخذت رخصة سواقة مع أن زوجي موافق ومقتنع .. وبصراحة احط في خاطري لين اروح بيت اهلي واشوفه يكلم اختي وانا ما يعطيني ويه .. وودي اطرش له مسج بمناسبة رمضان بس أخاف يعطيني طاااف ..


7- بسرعة اتنرفز من عيالي مع اني اموت فيهم وخصوصاً لين أدرس ولدي اللي بالصف الأول أحس إني أفقد أعصابي يعني بالي مو طويل ..


8- احس اني مو زوجة مثالية ولا ام مثالية ..

9- ودي اغير نفسي ودايماً قبل لا انام اعاتب نفسي واراجع نفسي واقول خلاص بتغير بسوي بسوي وارجع ثاني يوم ولا كأني قعدت مع نفسي ..


10 - عندي اخت وحدة لكن ما حسها قريبة مني خصوصاً بعد ما تزوجت احس انها مو قريبة مني أبداً يعني مثلاً انا ما أخش عليها أي شي لو اي شي أسويه أقوله أنا طبعي جذي لساني فارط وماعرف أخش لكن هي لا تغيرت وايد يعني أبسط مثال إنها شرت لها بيت وما قالت لي وعمرها ما قالت لي تعالي شوفي بيتي وعمرها ما استشارتني في شي وهي تختار أثاثها وحتى لما نزلت ماعرفت منها عرفت من أمي .. طبعاً مو بس في هالشي في أشياء وايدة هي متغيرة .. وانا بصراحة صرت اتنرفز منها وماحب اقعد معاها .. مع اني اشتاق لها بس اشوفها احس اني خلاص ما قدر استحملها .



وبعد وبعد وبعد وايد اشياء عندي بس بصراحة ظهري ويدي آآآآآآآآآآآه عوروني من الكتابة