ادخلي عشان بنتك الي في بطنك تدعيلك طول عمرها

السلام عليكم
رح ادخل بالموضوع على طول انا ولدت وجبت بنوته قبل 4 شهور وولدت في بيت اهلي,, المهم اجت زارتنا جارة اهلي ست كبيرة بالعمر قالتلي عن شغلة رهيبة الصراحة وهي انو تدهني وجه بنتك بحليبك وخصوصا اول 3 ايام من حليب اللبا لانه افيد عشان لما تكبر ما يطلعلها شعر غير مرغوب على وجهها
قالتلي اعمليلها رسمه للحواجب يعني حطي الحليب على شعر الحواجب الزايد وفوق الشفه عشان ما يطلعلها شنب لما تكبر وعلى خدودها واي مكان بوجهها ما بتحبي يطلع فيه شعر بس ابعدي عن رموشها

قالت انها هي هيك كانت تعمل لبناتها لوقت ما يصير عمرهم 40 يوم وفعلا ما شاء الله بناتها ما عندهم شعر على وجههم وكاينة تعمل هيك لاولادها الشباب بس زعلانين لانه شعر وجههم خفيف مو متل الشباب :09:

وهي تحكي انا وماما وخواتي مصدومين واختي من كتر الحماس قالتلي ادهني جسم بنتك كلو :icon28:
انا عملت الي قالته وان شاء الله بنتي ما يطلعلها شعر على وجهها وزعلانه على بنتي الكبيرة لانه راحت عليها :(