ادخلي قبل فوات الاوان

صراحه اللي خلاني اكتب الموضوع هو موضوع قريته لاحدى الاخوات

وكنت ابي ارد عليها ولكن قلت انا من زمان في صدري غصه والم على حال بعض البنات في اسلوبهم بالتعامل مع امهاتهم واللي مافيه احترام او ادنى تقدير لها الام
واللي ياما تعبت وسهرت وتحملت علشان اولادها وهالبنات احيانا الوحده تضحي وتقدم تضحيات على حساب نفسها علشانهم وعلشان الاب مايجيب لهم زوجة تبهذلهم
للاسف تلاقي الوحده ترفع صوتها على امها متناسيه قول الله تعالى((فلا تقل لهما أف ولا تنهرهما وقل لهما قولا كريما))
وتنتقدها امام الناس وترد عليها مما يسبب للام احراج والله ياما اصادف بالاسواق
واحيانا عند الناس هالمواقف اللي توجع القلب كان اخرها قبل العيد شفت بنت في
محل ملابس وهو مليان ناس تبي تاخذ حاجه وامها تقولها بعدين كانت البنت في
حوالي العشرين من العمر وفجأه جلست تصارخ على امها الا بالقوه تاخذه والا
تحاول تهديها وتفهمها ومافيه فايده وماخلت شي ماتلفظت فيه على امها بغيت انصحها
ولكن لان المحل مليان ناس قلت اللي ما احترمت امها كيف بتسمعني
هذاشي من قليل من تصرفات البعض
والله يابنات مافيه شي بهالدنيا ولا احد بيعوض عن الام حتى لو كانت تقسي احيانا
على الواحد لكن بالتأكيد للمصلحه لكن حبها وحنانها وعاطفتها اللي تحتوي فيها عيالها
وتجمع مابينهما مافيه بهالدنيا شي يعوضها

قال تعالى: وبرا بوالدتي ولم يجعلني جبارا شقيا، جاء رجل إلى النبي { فقال: يا رسول الله من أحق الناس بحسن صحابتي؟ قال: (أمك)، قال ثم من؟ قال: (أمك)، قال ثم من؟ قال: (أمك)، قال ثم من؟ قال: (أبوك). رواه مسلم
والله انه حقها عظيم وعسى الواحد يوفيه ويوم يقابل ربه تكون راضيه عليه وموفي
حقوقها
انا فقدت امي من 3 سنوات ويعلم الله كم أعاني من فقدتها رغم اني والحمدلله ماكنت
مقصره معها وان شاء الله انها توفت وهي راضيه عني كل موقف امر فيها بحياتي
من بعدها سوا حزن او فرح اتمناها معي واقول ياليتني قدمت لها اكثر الواحد مايعرف
قيمة الام لين يفقدها
لأمك حق لو علمت كثير
كثيرك يا هذا لديه يسير
فكم ليلة باتت بثقلك تشتكي
لها من جواها(1) أنة وزفير
وفي الوضع لا تدري عليها مشقة
فمن غصص(2) منها الفؤاد يطير
وكم غسلت عنك الأذى
وما حجرها إلا لديك سرير
وكم مرة جاعت وأعطتك قوتها
حناناً وإشفاقاً وأنت صغير
وتفديك مما تشتكيه بنفسها
ومن ثديها شرب لديك نمير(3)
فضيعتها لما أسنّت جهالة
وطال عليك الأمر وهو قصير
فآهاً لذي عقل ويتّبع الهوى
وآهاً لأعمي القلب وهو بصير
فدونك فارغب في عميم دعائها
فأنت لما تدعو إليه فقير
دعوتي لكم يابنات انكم تبرون بامهاتكم وابائكم قبل فوات الاوان واللي لها ام كبيره
تحرص على زيارتها باستمرار ورعايتها وادخال الفرحه بقلبها كل بعد فتره ووصل
من تحب ارضاء لها ولادخال السرور على قلبها آآآآآآآآآآآآآآآه يا امي رحمة الله عليك

رحمة واسعه ووسع عليكي قبرك واضاءه وجعلك راضية مرضيه ان شاء الله