ادخلي هنا امور ان شاء الله ترجع بطنك بعد الولادة

السلام عليكم ورحمة الله وبركاته
من الاشياءاللي تشغل بال كثير من الحوامل وتخوفهم هي كبر البطن بعد الولادة او نها ماترجع زي اول بس صدقيني اذا اهتميتي في فترة النفاس والفترة اللي بعدهاواتبعتي امور معينة راح ترجع بطنك مثل اول او على الاقل تخرجين باقل الخساير يمكن هذي الاشياء معروفة عند الكثير منكم بس سبحان الله التذكير حلو واللي ماتعرف تستفيد
انا راح ارتبها في نقاط وكلها مهمة حاولي تتبعينها ولا تستهترين بوحده منها عشان تلقين نتيجة ان شاء الله ترضيك


-الرضاعة الطبيعية جدا مهمة ترجع البطن بشكل ملحوظ وتنحفوطبعا نتيجتها بعد فترة موعلى طول
-دائماوانت جالسة و ماشية تحاولين تشفطين بطنك على جوة وخاصة وانت ترضعين
-قشر القهوةخليه دايما مشروبك المفضل في النفاس ووقت الدورة واي وقت خلي الترمس دائما جنبك( تحمسين شوي على النار وتدقينه دق خفيف في النجر وتغلينه على النار عشر دقايق او ربعساعة مع قرفة وشمر وزنجبيل وقليل حبة سودة او اي شي تفضلينة وحليه بتمراوبدون ما تحلينه )ترى يابنات من جد مفعولة جدا عجيب
-لا تشربين مويه كثير حاولي تقللين قد ماتقدرين بس مو تعطشين ويجيك جفافلا قللي قدر المستطاعوالسوائل بصفة عامة خاصة الباردة
-لاتشربين اي شي بارد ابدا ابدا حتى الموية والغازيات طبعاممنوع ولايسكريم معليش استحملي فترة وتعدي
-لاتتعرضين للهوىولا البرد (المكيف والمراوحوالمشي على السيراميك حتى شفاط الحمام )لان لو دخلك برد راح ينتفخ بطنك وصعبيرجع اعرف وحده بطنها كبير كأنها حامل في السادس وماعندها الا طفل و لما سألتها تقول انها خرجت للبر بعد ولادتها بخمسة ايام وكان وقت برد :32::32: وانتفخ بطنها من ذاك اليوم ولا عاد رجع
-خذي ملعقة صغير رشاد (لاتتعدى ملعقة صغيرة )+ ملعقة كبيرة عسل اصلي طبعا ينظف الرحم
-خلي المر هو غسولك طيل فترة النفاس وحتى بعد كذا لانه سبحان الله يسحب الوسخ لبره وينضف الرحم (انا انقع كمية في موية حارة وبعدين اصفيه واحطة في علبة منظف الزجاج واستخدمة كل ما دخلت الحمام )طبعا انا مادري ينفع بالنسبة للخياطة ولا لا لاني قيصري بس اكيد بعد ما تطيب الخياطة تقدرين تستخدمينة
-واهم شي الاكل المقالي والنشويات والسكريات والمعجنات والخرابيط هذي ابعدي عنها لا ويقولون نفاس تغذي - انت ترضعين معليش كلي ولايهمك - تعبت في الولادة خلي جسمك وقوتك ترجع -عوضي الدم اللي راح منك -اللين تخرج من الاربعين كانها فيل وكرشتها مترين قدامها وتقول ما نفعني شي
كلي اشياء مفيدة وما تسمن ( شوربات -خضار سواء شوربة او ايدامات -مرقة لحم جدا مهمة للنفاس او حتى دجاج - فواكة بس مو باردة -سلطات -اجبان -خبز بر -عصيدة تمر بس موكثير لانها تسمن- جريش )رز لا مكرونة لا اي شي يدخل فيه دقيق ابيض او سمن لا الدسم لا حلى لا
اما بالنسبة للمشد فلأني قيصري وما قد ربطت ما اقدر اتكلم عنه

هذا اللي عندي واللي عندها كمان تفيدنا بس بشرط تكون جربتة مو سمعت:16:
وطبعا النتيجة مو على طول بعد الاربعين يعني انتظري على الاقل اربعة اوسته شهور عشان تحكمين وبعدين فيه شي وحده قالتلي عنه ان الكرشة والاوراك والوزنبصفة عامة ما يبدأ ينزل الا اذا نزلت عليك الدورة وانتظمت عليك يعني اقل شيئ دورتينثلاث بعدها تخف الكرشة لان سبحان الله انت شوفي بطنك وجسمك كيف يتنفخ اذا تاخرتعليك الدورة وكيف يرجع يخف بعد ماتنزل وعشان كذا يقولون ان اول دورة بعد النفاسمهمة سواء اخت النفاس او اللي تجي بعد اكثر من شهر يعني بعض الحريم ماتجيهم الدورةوتنتظم معاهم الابعد ستة شهور او اكثر وعشان كذا برضو يقولون نفخة النفاس ماتروحالابعد فترة يعني اقل شي اربع او ست شهور
واخيرا اي استفسار انا جاهزة بس يمكن ما اقدر ادخل هذي اليومين
وبعد التعب هذا اتمنى منكم دعوة ان ربي يقومني بالسلامة