السلام عليكم ورحمه الله أخواتي العزيزات

أول شي أحب أشكر صاحبه الموضوع

ثانيا ترى أنا مسجله بأسم ثاني وين طلع لي هالأسم ما ادري وانا ودي أشارك من فتره ومب قادره لذلك اعتذر لأختي صاحبه هذا الاسم وأقولها حابه أحط مشاركتي وبأسمج ..

بالنسبه لهذا الكريم أنا استعملته أما النتايج عاد فأنا حابه أقولها لكم بالضبط

من الفتره اللي استعملت فيها هالكريم تقريبا أول ما قريت عنه من الاخت الكريمه صاحبه الموضوع

رحت محل أريج وخذته ب 131 درهم استعملته كل يوم وكنت أسوي تمارين بعد لشد المنطقه "الفخذين الارداف "
لكن خلصت العلبه وما شفت أي نتيجه وعلى فكره كنت قبل ما استعمل هالكريم بفتره أكون داهنه المنطقه بخل التفاح وأخليه فتره لا تقل عن ساعه وعقب أسبح وأحط الكريم .. قلت الناس أجسام والبشره تختلف من جسم لاخر بتوكل وبشتري مره ثانيه واذا ما بينت النتيجه تراني ما بشتري مره ثانيه رحت أريج واتفاجأت انه مزيدين سعر الكريم وصار 140 درهم الظاهر من الدعايات اللي في المنتدى وركضه البنات كل ما يسمعون عن شي فاد بنت معينه ..:27:
كملت على التمارين وخل التفاح والكريم يوميا وبعد اسبوع من استخدام العلبه الثانيه لاحظت تغير خفيف شد في المنطقه والخطوط خفت بشكل خفيف جدا واستمريت لكن ما صار أي تغيير بعد هالفتره
الا تغيير مخوفني هاليومين وهو حدوث انتفاخ في منطقه من الجلد بنفس لون الجلد كأني مضروبه وورمت وخط بعد كأنه شارع يلتف على منطقه الورك لكنه مرتفع عن مستوى الجلد .. هو مو كبير لكنه يبين انه في غلط في الجلد اقول يمكن من التمارين مع اني شاكه انه من الكريم والظاهر انه ممكن يقلب لنتايج عكسيه ويجمع الماي بدل ما يشد الله يستر بس والحين محتاره اكمل لين تخلص هالعلبه مع انه ما باقي منها غير حق كم يوم . بس شكلي بكمل لكن ما بقرب صوب المنطقه اللي انتفخت وبشوووووف :26:

عزيزاتي الي جربن الكريم مش عارف انا من البداية حكيت انه ممكن مايفيد كل الاجسام
ومشان هيك مافادكم وممكن تكوني يا (دريم _يو اي ) انه الي صار معك سلوليت لانه نفس الي شرحتيه
مش عارف بالضبط شو الي صار معكم !!!!!!!!!!!!!!!!!!!!!!

بس باريت انكم ماتدعون علي لانها ماضبطت معكم وتفكروا المشكلة بسببي والله كنت حابة افيدكم:06::06::06::06:

وين القاه:( :( :44:

وبكم سعرررررررره ؟؟؟؟؟؟؟؟؟؟؟؟؟؟؟؟؟؟؟

لا يا أختي الغالية miss februaryمستحيل ندعي عليج لو صار ما صار لا تحطين في خاطرج عيوني

بالعكس جزاج الله خير لانج حبيتي الخير للجميع والله يعطيج على قد نيتج يارب ويوفقك ويخليلج عيالج وابو عيالج ويخليج لهم .

اذا صار لنا اي شي فهو مب بسببج بيكون بسبب المنتج أكيد أو اجسامنا اللي نختلف فيها عن بعض :27:

ادري سؤالي ماله داعي بس معليش بسال عشان اتاكد واترتااااح عشان اشتريه وانا مطمنه ان شاء الله

انا دخلت الموقع ولقيت اثنين يشبهون بعض
الاول الي قالت عليه الاخت صمت الجروح
Water Therapy Firming Body Smoother


والثاني الي شفته
Water Therapy Hydrating Body Spray



لاني لقيتهم يتشابهون فحبيت اسالك وابييك تريحيني وتقولين لي اي واحد هو بالضبط
لاني اول ما شفت الموضوع تحمست وكان ودي اطيييييير الحين اجيبه بس يوم شفت رد ورا رد يقولون ما نفع او مفعوله يبيله وقت قلت لاااااااااااااااااا:06::44: بس معلييييش

شكلي طولت عليكم بس تكفييييييييييييييييين ردي علي بسررررعه الله يجزاك خيييير

ومشكووووووووووووووره مسبقا