السلام عليكم .........
انا اليوم راح احكيلكم عن الاكلة اللي انا معروفة فيها بالعزايم >> طريقة طبخ الضلعة (كتف الخروف) وبتقدري اتطبقيها على الخروف كامل كله ..............
اول شي بتجيبي الضلعة وبتغسليها وبتحطيها على جنب ............
بعدين بتجهزي البهارات واللي هي (ملح حسب ذوقك ,,,فلفل اسود ملعقة صغيرة ,,,قرفة ملعقة صغيرة,,,بهارات مشكلة ملعقة كبيرة ,,,هيل مطحون ملعقة صغيرة ,,,كركم ملعقة كبيرة ) بتخلطيهم مع بعض وبعدين بتفركيهم بالضلعة منيح وبعدين بتحطيها على جنب ساعة تتشرب البهارات.........
بعدين بتجيبي مقلى حجمه كبير اللي يوسع الضلعة او ممكن طنجرة واسعة وبتحطي فيه (((سمن بلدي))) خمس ملاعق كبار وشوية زيت مازولا(بكاسة شاي ) ولما يسخن السمن بتحطي الضلعة وبتقليها على كل الجهات لحد ما تحمر شوي ............
وبعدين بتحطيها بطنجرة واسعة وبتحطي فوقها ماء ساخن لحد ما يغطيها (لا تنسي تحطي بقيت السمنة تبعت القلي فوقها ) وبتحطي ورق غار وحب هال وبتخليها تغلى على النار تقريب ساعتين الا ربع .........
بعد هيك بتجيبي طنجرة تانية للارز وبتحطي فيها مرقة الضلعة وبتحطي فوقها ماء ساخن لانها بتكون كتير دسمة وبتخليها تغلى على النار عشان تفلفلي فيها الارز (انتبهي انه تكون كمية الماء مناسبة لكمية الارز اللي بدك تعمليها حسب عدد الاشخاص لا اقل ولا اكتر ) انا على فكرة بحب استعمل ارز صنوايت <<< طبعا طريقة الارز معروفة لما تغلى المية بتحطي لكل كيلو ارز مكعبين ما جي وبس لا تحطي ملح وبهارات وزيت لانه اصلا موجود في المرقة وبعدين حطي الارز( (المنقوع مسبقا طبعا) وخليه يغلى لحد ما تنشف المية وبعديها خلي النار خفيفة كتير تحت الارز لحد ما يستوي (لا تنسي تحركي الارز شوي وهو على النار ...........
بعدين بتكوني مجهزة لحمة مفرومة تقريبا نص كيلو >> بتحطيها على نار خفيفة لحد ما تنزل ميتها وتنشف (يعني تستوي) وبتحطي عليها ملح وفلفل اسود حسب ذوقك ...
وبتكوني مجهزة المكسرات (اللوز والصنوبر ) بتقليهم شوي على النار لحد ما يصير لونهم اشقر ........
لما تيجي بدك تسكبي الاكل بتشوي الضلعة شوي بالفرن (عشان كمان تسخن )...
بتحطي الارز بصينية واسعة وبتفردي وبتحطي فوقه اللحم المفروم وبعدين بتحطي الضلعة عليه واخر شي اللوز والصنوبر وشويت بقدونس مفروم للزينة ..........
وبتحطي جنبه السلطة واللبن الرايب ..........
وصحتين وعافية
ملاحظة اذا ظبطت معكم ادعولي واذا ما ظبطت انا ما دخلني بكون في عندكم مشكلة ما لاني والله والله لما اعزم حدا عليها بياكل اصابعة وراها :hahaha:
ليتك تصوريها لنا نشوفهاااا :32:
مشكوووره وجزاك الله كل خييير :26: