ادخلي وجيبي نصيحه من قلبك

بنات كيف حالكم ادخلي وجيبي نصيحه من قلبك سواء كانت للحياه الزوجيه او الحياه بشكل عام او بعلاقتك بالناس ؟ نصيحتي هي لاتكوني مجرد انسانه تضحي وتضغط ع نفسها من اجل اسعاد الاخرين سواء مع الزوج او صديقه او جاره او اخت . اسعدي الناس بقدر ماتستطيعي بس بدون ضغط على نفسك ومشاعرك وصحتك كنت زمان لا يمكن اقول لا لاي حد انحرج واقول طيب والناس كانت تستغل طيبتي الحين صرت اعتذر لو حاجه ما اقدر اسويها. كنت زمان لو تعبانه بضغط ع نفسي واقوم اطبخ الحين لا اتصل واقول جيب معاك اكل . كنت زمان احرم نفسي من ابسط الحقوق الحين لو بنفسي شيء اشتريه بحيث يكون مناسب للميزانيه . طالبي بحقوقك وقومي بواجباتك وارضي الله . اما بالحياه العامه اذا عندك فرصه توفري وفري خلي لك قرش ابيض لليوم الاسود محد يدري ايش مخبا لك . عندك فرصه تدرسي ادرسي حتى لو كنتي متزوجه خذي لك شهاده عندك هوايه مارسيها من خياطه ووووو. اسرارك حاولي تخبيها سعادتك مو لازم تبينيها لان صاحب كل نعمه محسود ولاتنس الاذكار والمعوذات . ارسلي كلمات ايجابيه لنفسك اسعدي نفسك من نفسك لاتعلقي سعادتك باحد او بموضوع معين . متضايقه اشكي همك لخالقك افرشي سجادتك وادعي الله واستغفري احكي له كل الي بخاطرك . القناعه اهم شي ممكن تتمني حياه س من الناس وما انتي عارفه انها الان تتمنى مكانك لان البيوت اسرار . تاخرتي في الزواج والا الحمل اعرفي انه لحكمه يمكن التاخير هذا اراد الله به انك تكملي دراستك او تحفظي مثلا القران زي قريبتي تاخرت بالحمل سنين وحفظت القران واستغلت وقتها والحين ماشاء الله حملت وولدت . اذكر جمله قالها دكتور في الجامعه يلقي لنا محاضره قال ان الله مامنع شيء ليحرمك وانما ليكرمك . وجمله قراءتها لو عرضت الاقدار على الناس لاختار القدر الذي اختاره الله لك .