مشكورين حبيباتي على كل من رد علي صراحه ما اتوقعت ان الموضوع يعجبكم قد كده شجعتوني اني اكمل كلامي..:39:
انتبهوا بعد اول مرة تخلفي هذي الفترة الرجال يكون فيها حساس وممكن يغارمن طفلك يعني انت حاولي انك تزيدي اهتمامك فيه اكثر من قبل صح راح تتعبي بين البيبي وبينه بس عند الله ما يضيع لأنه اذا شاف اهتمامك اكثر بالبيبي راح يقلك معد صرت تهتمي فيني زي زمان ولا ولدك اخذ وقتك كله ومعد صار لي وقت معاك حتى يا بنات لا تكثري من قول حبيبي وقلبي لودلك قدامه ترا يغارون حتى لو ما اتكلمو لمن يطلع دلعي وولدك وكلميه وبوسيه زي ما تبغي...
كمان لمن تروحي عند اهلك ..صح نحن نبسط معاهم ومرات ننسى ان ازواجنا معانا..يعني ام تكوني عندهم مو تنسيه بعدين يقول شافت اهلها ونسيتني طلي عليه كل شوية شوفي امكن يبغى شي ما شيات ممكن ترسليله مسج حلو واننت قاعده معاهم المهم اي شي عشان يعرف انك معاه :33:

صراحه اتحمست ابغى اتكلم كمان ..حاسه اني نفسي افيد احد وقلت ما في غير اخواتي في عالم حواء لأني بغربة وماعندي احد الا انا وزوجي وولدي الله يخليهم لي..نكمل
العلاقه الجسدية الي بينكم
يا بنات لحد يغلط دي الغلطة ..لمن تكوني مالك خلق اعتذري باسلوب مو بدفاشه يعني قوليلوا احسن نخليها في الليل عشان الليل احلى ولا خليها بكرة على رواقه زي كده اخترعي كلمات يعني انت بشر مو معقوله ماراح يحس فيكي ويغصبك اذا هو يحبك وهذا احسن في بداية الزواج عشان لايستغرب منك بعدين..ولا تكوني جا مده حاولي تتفاعلي معاه ترا اكثر الحريم الي يبسطوا ازواجهم في الفراش الي يبينوا لهم سعادتهم في ذيك اللحظة وانتو تعرفوا كيف ما يحتجلها شرح;)
...........
*خلي الي بينك وبين زوجك شي خاص لكم لا تقعدي تحكي هذي وذيك وتصير حكايتك على كل لسان هذا اكثر شي يخرب بيت الزوجية..
*لمن تكوني منت مقتنعه بكلامه ولا مو عاجبك حاوريه واتكلمي معاه يعني مو تقوليلوا طيب وحاضر وانتي في نفسك مقهورة ومو عاجبك الي يقولوا راح تسكتي مرة ومرة ومرة لغاية ما تنفجري وتطلعي الكلام كله بتجريح..فأحسن تتكلمي وتقولي كل شي بيومه يعني قبل ما تناموا قوليلوا انا زعلت لمن قلت كده ..
يعني لا تنامي وانت شايلة في قلبك عليه واتفقي معاه على هذ ا الشي.. كثير حريم يقولوا انا صابرة وساكته خلاص مقدر اتحمله..
مين قلها تسكت انا ماقلت اتلكمي وعلي صوتك عليه لا كلميه هي مو حكاية فرض كلمة هذي حياة مشتركة بين اثنين نحاول انها تستمر نتغاضى عن اشياء ممكن نتغاضى عنها وتكلم في اشياء لها محل من الكلام..
معليه يا بنات طولت عليكم ..اذا حابين اكمل قولوا بس والله ان معزتكم في قلبي كبيرة وابغا نستفيد من بعض :cool:

هيه والله كملي اختي DigitalMind..

كلنا آذان صاغيه :)

ولا تنسين المقبلات على الزواج ;)..

:mex:

يلهلااااااااااااااا اختى

بالنسبه لتجربتك معك حق فى الكثير منها ولكن لى تعليق بسيط

فيه ازواج ما يحبوا كل شوية البنت تروح لأهلها ..صح نحن نتضايق من هذي الناحية كثير..بس اتحمليه شوية اذا كنت ببداية زواجك لمن تجيبي عيال راح يقلك انت تبغي تروحي عند اهلك؟

انا بصراحه اشوف انه من الممكن اتغاضى واصبر واحاااااااول فيه فى امور كثيره الا لما يتعلق الامر بذهااااابى لاهلى لان بصراحه بعض الازواج يظن انه بمجرد زواجه .....على زوجته ان تنسى امها وابوها واخواتها واخوانها .....وتتفرغ له ولاهله فقط عند هذه النقطه بالذات على الزوجه ان تكون حاسمه وتبين له ان صلة الرحم لاتقتصر على اهله فقط بل اهلها ايضا ........لانها لو تساهلت فى البدايه راح يتعود بعد مجئ الاطفال ويحس انه امر ثقيل ذهاااابها لااهلها............ولى عوده باذن الله