السلام عليكم يابنات احلى وأغلى منتدى
اخباركم ياحلوات:27:
بصراحه انا عندي شعور احتمال اكون الوحيده واحتمال ان غيري كثير
هالشعور بصراحه مسيطر علي باستمرار أفكر وأحس فيه
وهو باختصار (احن للماااااااااااااااضي )
احن لأيام أول صح أنا مو كبيره مره لكن والله من كم سنه للحين احس بفرق
يالله اشتاق لأيام الطيبه والمحبه والتآلف بين الناس :39:
اشتاق للوقت اللي ماكان فيه جوال ولا نت ولا وسيله من وسائل الاتصال الحديثه غير الهاتف الثابت
بتقولون هالاشياء خدمتنا كثير والدليل انك تتواصلين معانا الحين
فعلا هالاشياء خدمتنا وهي فعلا رائعه واكثر من رائعه لكن ماتلاحظون انه بسببها انقطعت اشياء كثير حلوه بحياتنا
واقلها صلة الرحم
قبل كنا مجبرين نتزاور لأنه ماكان فيه غير الثابت ياتلاقينهم ياتوصلينهم مافي حل وسط الزياره لابد منها
ولا الحين مائه وسيلة اتصال أشكال وألوان صرنا نتعيجز نطلع من البيت ونكتفي برساله
هالشي كبر القلوب وتباعدت العلاقات وصارت الناس تكره الناس والزيارات صارت ثقيييييييييييله
قبل كانوا الناس يجتمعون ببيت واحد يسهرون وينبسطون وكانت القلوب صافيه مو الحين لو البزران تضاربوا بجمعة
الاهل قامت الحرب العالميه بين الأمهات :mad:
أحن لبيت جدي وجمعتنا الحلوه مع خالاتي ومحبه وترابط وكنا نطبخ هناك أي شي كان يكفينا وكان له طعم ثاني:21:
مو مثل الحين ماعزمونا مانادونا ولا الأكل الكثير اللي سبحان الله ماعاد فيه بركه
بمجمل الكلام (اشتاق للبساطه )
كنا نتكلم من غير حساسيات ولاتكلف الحين لا قالت هالكلمه اكيد تقصد كذا ,ولا انا شفتها ماهضمت جلستنا وغيره
وغيره
تفككنا بشكل غريب ماصرنا نشوف بعض مثل قبل
والله اني اشتاق لأدق التفاصيل في الماضي حتى لأيام الدراسه والبنات وكل شي يتعلق بالماضي
أخاف من المستقبل أخاف نبعد أكثر من كذا أخاف يجي علينا يوم ننسى اهلنا وننسى وجودنا وننسى اللي حوالينا:icon33:
احتمال اني اخبص بالحكي واحتمال كلامي مو مترابط لكن كنت ابغى افضفض واوصل الفكره
ياترى انتم مثلي ؟؟؟؟؟؟؟؟؟؟؟
iهمزة وصل @ihmz_osl
عضوة نشيطة
يلزم عليك تسجيل الدخول أولًا لكتابة تعليق.
شموس1
•
بصراحه انا عندي شعور احتمال اكون الوحيده واحتمال ان غيري كثير
لا فيه غيرك كثير تعبنا من التكلف الزائد وياليت الناس ترجع للبساطه (نشتاق للبساطه)
لا فيه غيرك كثير تعبنا من التكلف الزائد وياليت الناس ترجع للبساطه (نشتاق للبساطه)
والله جيتي على الجرح
ايام زمان ياريت ترجع
بساطتها حلوة
تربيتها حلوة
والناس اللي فيها حلوة
وكل شي كان حلو
والله صادقة بكل كلمة قلتيها
كنا زمان نخرج مع بعض نتمشى ونسمر ونهايتها والله لو عيش وجبن نحمد الله ونكمل سمرة
لكن الان يالهووووووووووووي
القطيعة تصير بسبب ان فلان ارسل رسالة جوال لفلان والتاني مارد معناها ما يبغى الوصل !!!
الحمد لله على كل حال
بصراحة ماني عرفة ايش اقول وايش اخلي
مشكورة على موضوعك ومنتي لوحدك في هذا النوع من الوحده
ايام زمان ياريت ترجع
بساطتها حلوة
تربيتها حلوة
والناس اللي فيها حلوة
وكل شي كان حلو
والله صادقة بكل كلمة قلتيها
كنا زمان نخرج مع بعض نتمشى ونسمر ونهايتها والله لو عيش وجبن نحمد الله ونكمل سمرة
لكن الان يالهووووووووووووي
القطيعة تصير بسبب ان فلان ارسل رسالة جوال لفلان والتاني مارد معناها ما يبغى الوصل !!!
الحمد لله على كل حال
بصراحة ماني عرفة ايش اقول وايش اخلي
مشكورة على موضوعك ومنتي لوحدك في هذا النوع من الوحده
sery 25 :
بالضبط مثلك انا مع اني ماسكنت بيوت الطين ولاشفتها لكن احس انها ايام حلوة الحريم يجتمعون على شاي الضحى وبساطة و وناسة اللحين صراحة مع ان كل شي متوفر لكن ممل .. وصار الواحدمايتواصل مع بشر..يتواصل مع اجهزة..بالضبط مثلك انا مع اني ماسكنت بيوت الطين ولاشفتها لكن احس انها ايام حلوة الحريم يجتمعون على شاي...
:44:
الصفحة الأخيرة
انا مع اني ماسكنت بيوت الطين ولاشفتها
لكن احس انها ايام حلوة الحريم يجتمعون على شاي الضحى وبساطة و وناسة
اللحين صراحة مع ان كل شي متوفر لكن ممل ..
وصار الواحدمايتواصل مع بشر..يتواصل مع اجهزة..