ادخلي وماحتندمي (تحدي)

انا هذي اول مشاركة ليا في المنتدى وبما انو قرب شهر العيد حابة انو اتغير بنسبة 360 درجة وسويت ليا جدول للخلطات :booo: هههههههه اكيد راح اعطيكم هوا حبايبي ولسه قدامي شهرين بما انو بشرتي مرررررررررررررررررة تعبانة وجسمي معدوم وشعري تالف حاابة كل شي فيا يتغير واسير احلى وحدة في العيد بس مشكلتي اني شوية كسولة وحابة منكم التشجيع واللي تبي تبدا معااي ماعندي مشكلة وانا راح اكتب خلطاتي اللي راح استخدمها وابيكم تقولولي اضرارها اذا كان لها اضرار او اي وحدة جربت شي من خلطاتي تقولي تجربتها بلللييز ولكم مني دعووة في ظهر الغيب.
سوري عارفة اني طولت واليكم الخلطات :
بالنسبة للشعر راح اسوي جدول حور الجنان كامل لاني سمعت الكل يمدح فيه وراح اوافكم اول باول بالنتائج
وبالنسبة للرموش ابي استخدم خلطة حور برضو اللي هيا عسل وفازلين لمدة ساعة يوميا
وبالنسبة للجسم راح استخدم خلطة ذكرت صاحبتها انو مررة تبيض وتوحد لون الجسم انا عن نفسي راح استخدمها بس شهر واللي هيا : علبة جلسرين سايل _ علبة زيت اللوز المر _ علبة جرجنز بالمسك او بزبدة الشيا _ و7 علب كريم ريو - و7 علب كريم بتنوفيت الزهري _ 2 فازلين الانجليزي اللي كله اخضر _ 4 عصير ليمون _ كرتون كريم كيلي _ علبة كريم جلسوليد الاحمر الوسط ...
والخلطة توضع على الجسم يوميا في الليل وتغسل صباحا والكمية كبيرة تكفي لكامل الجسم ولمدة شهر وتغسليها بصابونة روز او اي صابونه مبيضة ودلكي بالليفة ..
وكل يوم راح اصنفر جسمي بالليمون والملح _ وللوجه راح استخدم خلطه سهلة بس نتايجها مرررررة حلوة وتصفي الوجه وتبيضه اللي هيا ملعقة حليب بودرة + ملعقة موية وردد مرتين في اليوم الين تنشف وتغسل .
وللركب والاكواع راح استخدم خلطة كريم كينا كومب + عصير ليمونه كاملة + 3ملاعق جلسوليد + فنجان قهوة شبه مطحونة ... بعد كل وضوء وبسسسسسسسسسسسسسس
وبالنسبة للتغذية الداخلية كل يوم الصبح راح اخذ على الريق ملعقة حلبة مطحونة مع ملعقتين قطر (دبس)
واشرب كاسة عصير برتقال مع عصير بنجر +كوب حليب دافي مع 7 حبات تمر وملعقة عسل
وفي الظهر كوب مويه مع نصف ليمونه وكاسة لبن
وفي العصر كاسة حلبة منقوعه مع نعناع وحليب + حبوب كبد الحوت
وفي الليل زعتر مع زيت زيتون ساندويتش + سلطة مع بنجر + مع 8 كااااااسات مويه بمويه ورد
اييييييييش رايكم :08: حلو برنامجي الله يخليكم ساعدوني اذا تمام راح ابدا فيه بعد بكراوذا لا خلاص راح اكنسل الموضوع واللي اعجبها وتبي تكمل معاي تتفضل وشكرا