ادخل بنتي الروضة ولا لا

إذا كانت تبغى الدراسة مرررة ، الروضة أحسن لها ، تبعد عن البنية الصغيرة وتكون لها عالم ثاني اجتماعي ، وتستعد للدراسة الجادة وبرضه عشان تتفرغ الشغالة للبنت الصغنونة
:)

انتي صادقة الشغالة اصلا ماتعطي الكبيرة وجهة همها الصغيرة اكثر شي بس ساعات عملي طويلة الى الساعة 4 عصرا والكبيرة راح تكون بالمدرسة الى الساعة 4 عصرا يعنى الصغيرة مع الشغالة طوال الوقت وانا هذا الي ماودي فية ابغى اختها معها تسليها وتحبها اكتر لان حبها فية غيرة واجد والصغيرة راح تتولع بالشغالة كثير وحتى كلمها راح يكون مثل الشغالة وهذا لى انا كراهتة ولا ودي فية تكون بنتي تربية شغالة 100 بالمية

أنا أنصحج تدخليها الروضة أحسن لها بتتعلم وبتكتسب أشياء جديدة والصغيرة الله يحفظها وبترجع لها اختها لأن دوام الروضة يخلص بسرعة تقريبا 12 الظهر ففي فرصة تجلس مع الصغيرة وحاولي ان الصغيرة تسهر شوي علشان تنام كثير الصبح :26:

ايليا العزيزة لا تستعجلي سنها لسه صغيرة على الدراسة يعني أم 3 سنوات شنو بيدرسونها وهي لاحقة وأنا أفضل ان الروضة تكون قبل سن المدرسة بسنتين يعني لا بيفوتها شي ولا بتطق جبدها وجذي بتصحا من النوم براحتها:03: وبعدين بتلعب مع الصغيرونة ولاحقين على الدروس ولا تصيرين مثل أختي ولدها دخلته الروضة من عمره 3 سنوات وهو من الأشهر الي تروح عليهم المدرسة يعني سنة زيادة عن الباقين والمسكين من يقعد الصبح وهو يصيح وين وين على ما يستسلم:06::06:
والأمر راجع لكي

ايليا ...انا بنتي عمرها ثلاث سنين وعشر شهور بتدخل تمهيدي ..انا دخلتها الروضه وعمرها سنتين و10 شهور ..

ومدرستها انجليزيه ...تعرفين هالمدارس الخاصه يحببون الطفل في المدرسه ..

وعاشقة زوجها ..الحين الاطفال يدخلون المدرسه 5 سنين يعني 3 سنين روضه 4 سنين تمهيدي و5 اول ابتدائي
وبالنسبه ايش يعطونهم كل اللي يعطونهم في اول ابتدائي يعطونهم في روضه الالوان الارقام الكلمات ايات من القران ..

وماشاءالله بنتي الحين اعتمد عليها في كل شي احسها فاهمه ..وفوق هذا كله اتخلين اساسها من يومها صغيره عدل عشان اذا كبرت اتكون من الاوائل.