ادري دوختكم معاي بس ما لي غنى عن رايكم و الله

سلام خواتي...

الاسبوع الماضي نزلت موضوع اني ابي اغير ديكور غرفة نومي... و كنت محتارة في الالوان .. و بفضل مساعدة اختي وهج الايام حليت هالمشكلة...

الحين ابي رايكم و مشورتكم في مشكلة ثانية في الغرفة... الا و هي:

في ديكور غرفتي القديم... كنت حاطة ستارة ورا سريري و جزء منها في السقف.. و كانت ماشية تمام التمام مع الديكور.. حتى الحين ما اظن انها راح تسوي لي مشاكل مع الديكور الجديد بس بيني و بينكم انا مليت منها.. و عندي فكرة جديدة.. بس محيرتني على الاخر...و تقريبا مسببة خلاف بسيط بيني و بين زوجي...

الستارة اللي ورا السرير معلقة في السقف بواسطة قضيب معدني ... و هالقضيب المعدني مثبت بحوامل صغار بحيث لما تنزل الستارة تغطي طرفي السرير ..و لما قررت اشيل الستارة خلاص.. طلعت مشكلة هالحوامل.. لان زوجي رفض يطلعهم من السقف لانهم بيتركون اثر الحفر و بيكونون اربع حفر صغار.. و زوجي معصب حددده و يقول لا تكلميني في الموضوع شيلي الستارة و القضيب و خلي الحوامل...:(

طبعا عصرت مخي و فكرت و فكرت لحد ما طلعت بفكرة حلوة.. و هي اني اخليهم مكانهم و استخدمهم لتعليق الشمعدانات السقفية اللي تجي على شكل فوانيس ملونة عادة.. و تنزل على السرير بشكل حلو.. و زوجي حب الفكرة وااايد...

لكن بعد دراسة و تمعن.. اكتشفت انه ما راح يطلع حلو... لانه الحاملين بعيدين عن بعض :( و حلاة هالشمعدانات انها تكون قريبة من بعض و واحد اطول من الثاني بشوي...

بالله عليكم دبروني... عن جد تعبت من التفكير و مو لاقية حل.. و زوجي متمسك بالحوامل و يقول ما عنده استعداد انه يقلع و يخرب ...:(

ارجوكم ساعدوني ...

انتظر ردودكم يا الغاليات و اقتراحاتكم ...