ياحبيبتي الزعل بالحمل شي وارد ولو كل حرمه حامل زعلت وسقطت ماكان جاء ذريه على الارض
ومن ناحية امك تراها تخاف عليك لكن ماتعرف تعبر بالطريقه الصحيحه بسبب طريقة تربيتها بالصغر
وصراحه نقدت عليك انك ماعلمتيها انك حامل؟ اول وحده تبشر الام
ووصيها لاتعلم احد وحتى لو علمت عادي ماتنتهي الدنيا
واذا حملتي جيبي خدامه مؤقته لين يروح الوحام
واوصيك بالصدقه والاستغفار فإن اثرهم عظيم 🌸

حبيبتي الله يعوضج خير مما فقدتي و كل شي بالدنيا مقدر و مكتوب و الواحد ما ياخذ من الدنيا غير نصيبه و رزقه و ان شاء الله ربي يعوضج بالقريب العاجل و يجبر كسر قلبج باذن الله


حبيبتي احنا ما نقدر نغير اطباع غيرنا لو كانوا اقرب الناس لنا الا بالدعاء ،، و ان اراد ربي شي ( فيكون )
بس نقدر نغير اطباعنا و نقوي نفسنا و ما نخلي اي كلمه تمر على مسامعنا تأثر فينا بالاخير الحياه اكبر من اني اوقف بمحطه فيها عشان كلمه سواء كانت مقصوده او غير مقصوده


اجرج عند الله ما يضيع بالوقت اللي صبرتي فيه على طلقيج و الحمدلله ربي عوضج بزوجج الحالي
و ان قالت امج كلمه و انتي تعرفين داخلها و نواياها الطيبه التمسي لها بدل العذر مليون عذر و اللي تسمعينه من اذونك اليمين طلعيه من اذونك اليسار
الحمدلله تخلصتي من ايامه خلاص ليش ايامه للحين تأثر فيج حتى لو سمعتي طنشي لا تخلين كلمه توقف عندج و تكدر يومج راح و راحت ايامه استمتع بالنعم اللي ربي رازقني اياها ما اعطي لذكراه اي مجال يكدرني
تذكري نعمه زوجج الحالي و ان يابت طاري طليقج اقلبي الموضوع على ضحك و غشمره قوليلها يوووه من جاب طاريه الحين الحمدلله صفحه و طويتها من حياتي و ان شاء الله ربي بيجزيني عن صبري كل خير
و كل مره ذكريها انج راضيه بالماضي بكل اللي فيه و ان الحاضر الجميل نتيجه صبرج
انكسارج لكلامها مبين لها ان على حق و قادره تمسكج من جزء يعورج ،، و مبين ان هالشي طبع فيها و لكنها مو حاسه بكميه زعلج من الموضوع بس لو بينتلها ان شاء الله بتصحى من غفلتها بهالموضوع


الله يخليها لج و يخليج لها مهما كان تلقينها شايله همج اكثر من نفسج
الله يسخركم لبعض و يحنن قلبها عليج و ان شاء الله تبشرينها قريب بحملج و تبشرينا بولادتج يا قادر يا كريم

يعني لو نخبي حملنا الى الرابع نطلع موسوسين.
انا مثلا محد يدري عن حملي الا بالرابع و اقول توني محلله بعد.
و السبب ان حملي كله مهدد بالاسقاط و لاودي ابلغ و اسقط و ابلغ و اسقط انا اتعب نفسيا اذا عرفوا بالحمل ثم الاسقاط. خل اذا سقطت يكون بسكات و اذا ثبت و كمل فالحمد لله و خصوصا الي حولي اذاعة لندن خبري في كل مكان محد يثمن و يسكت لا يمشون و ينشرون.
عادي اذا استعان الواحد على قضاء حوائجه بالكتمان.
و صاحبة القصة ماغلطت انتي يامنيرة براحتك اذا حملتي جيبي مذياع و اذيعيه بس لاتتهمين الي يسكت و يخبي لين يرتفع الحمل بالوسوسة تراه حق مشروع و خصوصية من ادق خصوصيات الانسان فاحترميها الله يعافيك.