يابنات انتم ليش تنظرون للموضوع بشكل سلبي انه راح تنحسد وما الي ذلك ،،،ليش ماننظر للموضوع بشكل ايجابي وان الي تحط صور بيتها تبغى الاجر من رب العالمين لمساعدتها لاخواتها بانهم ياخذون افكار من بيتها ويستفيدون ويدعولها وبدل ماتنحسد لاسمح الله تتوفق ببيتها والله يهنيها فيه بفضل دعوات اخواتها لها ،،،،،انا عن نفسي لما اشوف شي يعجبني ادعي لصاحبته من كل قلبي بالتوفيق ،،،،

خواتي انا من اللي يحبون يشوفون ديكورات حية
قصدي بيوت لناس مش في محلات
بس رأيي ان من باب الاحتياط مو لازم الوحدة تذكر اسم المنطقة او شكل البيت من برع
هذا رأيي
والله يهني الكل ببيوتهم

اهم شي الواحد يحصن نفسه ويقرا ورده في النهار والليل واللي ربي كاتبه بيصير

:(أعذروني يا أخواتي أنا مع الأخت(خنساء 99).
باختصاريأخواتي أذكر كان في مقابلة في التلفزيون مع شيخ يقرى على الناس،ويقول وهذي ملحوظة ياأخواتي لكم جميعآ(أن العين ما يصاب بالنظر فقط، وإنمايكون معه بالقول مثل :هذا البيت يهبل(بدون ما تذكر إسم الله طبعآ، ويمر في نفس الوقت جن من الشيطان، فيحصل العين ).
لذلك عرفتوا لماذا أمرنا الرسول عليه الصلاة وأفضل التسليم بقراءة الأذكار،وأن إذا رأينا شيء أعجبنا، قلنا((اللهم بارك فيه ولاتؤذيه)).

وعندي ملحوظة صغيرونةوهي أن: :D :D مثلآإذا أعجبك صور بيت لأحدى الأخوات ما أتوقع ياأخواتي بيجيهم عين لأن هذي صور....لكن خوفك من أن كومبيوترك ينطفي :D
وسامحوني على الإطالة والتعليق لكن هذي هي الصراحة.

اهلين خواتي ..يمكن انا وحده من اللي تقصدهم الاخت واللي نزلوا صورة بيوتهم ..وبغيت اعلق على ملاحظات البنات ..
شوفوا حبايبي انا استفدت من المنتدى وبغيت افيد ..وخاصه اني تعاهدت ما نفسي انه اول ما يخلص البيت انزله بالمنتدى لارد شويه من افضال هذا المنتدى على ..
انا بيتي كله من افكار المنتدى وعضواته ..وحبيت افيد مثل ما استفدت وخاصه انه فيه ناس تكون الافكار في بالهم وعاجبتنهم بس ما يعرفوا يطبقوها.... او ما عارفيني يختاروا المواقع لها... او يمكن ما قادرين يحوروها ويغيروا فيها شوي لتناسب امكانيتهم وطريقت ترتيب بيتهم ..

ثانيا مثل ما قالوا الاخوات قل لن يصيبنا الا ما كتب الله لنا ..والانسان اذا قعد يفكر بهذه الطريقه ما بيعيش ..واتوقع الاخوات الظاهر ما يدخلوا بيتهم احد ..شوفوا حبايبي العين ما لازم تكون عين حسد ممكن تكون عين فرحه وممكن تكون من اقرب الناس لك ..وانتي تدخليهم بيتك كل يوم وممكن يكونوا عايشين فيه معك ..بس الانسان يتحصن ويتوكل على الله واللي كاتبنه الله بيصير ..
ثالثا ..انتوا لو كنتوا شفتوا الرسائل الخاصه اللي توصلني واللي يطلب اصحابها مني مساعدتهم سواء بالاستشارة او بالارقام او العناوين ..والدعوات الطيبه اللي تجيني منهم كان ما قلتوا هالكلام ..والحمد لله الخير اللي وصلني والحسنات اللي حصلتها ربي يعرفها ..وعلى نياتكم ترزقون ..
رابعا ..بالنسبه لتعليق البنات انه شخصيه الوحده تنكشف ..اعتقد انه الناس لهم اراء ..وانا من الناس اللي كتبت اسمي باسم بناتي يعني اغلب الناس يعرفوني من معارفي ..وانا ما اكتب شي في المنتدى اخاف الناس تعرف انه صادر مني .. واللي اقوله بالمنتدى اقوله خارجه ..
وفي النهايه ..هذا راي ..وكل انسان له انه يعبر عن رايه ..وطبعا انا من ممن يحترك الراي الاخر ..
وارجوا انه ما احد يزعل من كلامي او ياخذه بسوء نيه ..واللي نيته سيئه ربي يردها في نحره ..

وانا نيتي طيبه وربي يعطيني على قد نيتي ..والحمد لله رب العالمين ..