ادري ومتاكده ان العيب في شخصيتي تعالوا قولولي وش العيب

الأسرة والمجتمع

السلام عليكم ورحمة الله وبركاته
انا دايما علاقاتى مع الناس فاشله فاشله
سواء في العمل او مع الاهل او الجيران او الكليه او النت
شخصيتي وحده ما تتغير ومعامله الناس لي وحده
اقولكم على شخصيتي
انا طيبه ودايما مبتسمه وفيني جانب كوميدي يعني بعض الاحيان اطلع خفيفة دم في بعض المواقف وتصدر منى نكت ومواقف عفويه
لكن يا بنات مهما كان لازم اشوف الكره في عيون اللي حولي
لازم تمر فتره احسهم يكرهوني
على سبيل المثال
تعرفت على بنات في الكليه وكنا اصحاب وشله واعتبرتهم صديقاتي
وفي حفل التخرج اكتشفت انهم فصلوا عبايات التخرج في مشغل موديلهم واحد وانا الوحيده اللي اختلف عنهم لانهم ما قالوا لي انهم بيفصلوا في هذاك المشغل وكل شئ كان من وراي وانا مادريت
تخرجت وسحبت عليهم وغيرت رقم جوالي وقطعتهم نهائي
..........
تزوجت
كنت طيبة جدا مع اهل زوجي لدرجة السذاجة مع ذالك احسسهم ما يحبوني ويطلعون العيوب فيني وكاااااارهيني كاني ذابحه ابووهم او واحد من عيالهم
يمرضون عيالي ولا احد يتصل علي اولد ولا احد يزورني
اما هم اذا ولدوا بناتهم اول وحده تزوورهم انا كانه وااااااااااااجب علي وانا مالي اي حقوق والمشكله اني راااضيه بهالشئ
واشوف نفسي ما استحق احد يزورني كانى تعودت على المذله
واسمع اشوف بعيني اذا مرض واحد من عيال سلفااتي على طول يتصلون حتى لو كان شئ بسيط كحه وبرد والنفاااس يجونها باحلى الهدايا ,,
سحبت عليهم وعشت منعزله واتجهت لعالم النت
تعرفت على قروب بنات من منتدى ثاني
واكتشفت انهم ضايفين بعض على الب بي وما قالو لي على الرغم ان معي بيبي ولا عمرهم سالوني اذا معي اولا لااا
صرااحة
ثقتى بنفسي انعدمت :angry2:
قولوي وش العيب في شخصيتي مع العلم انى ما اذي احد
12
3K

يلزم عليك تسجيل الدخول أولًا لكتابة تعليق.

تسجيل دخول

لمار الامورره
انتي مافيك عيب..
اخلاقك..العاليه وطيبتك ماتنفع في هذا الزمن...
ماعندي خبره كثير في هذا الجانب للامانه
بس شخصيتي قريبه من شخصيتك...
جربت غيرت اسلوبي مع الاخرين..واخذ حقي..مثلهم
وتحسنت اموري...
بالاضافه الى اني احتفظ باموري لنفسي
سالفه اني اكون طيبه وينهضم حقي..لا
اني اكون كتاب مفتوح لمن هب ودب لا
اني احلي لساني ع الطالعه والنازله لي يسوى ومايسوى لا
اني احترم بزياده واتناز عن حقي لا
وهذا كله بالتدريج مايجي بيوم وليله
واهم شي اني كنت من انوع الي مايرد لاحد غلط عليه..واقول سامحي...واستحي ارد وزووووووووووووووالخ
النتيجه اتعب نفسيا مافيه احترام ولا تقدير..
اكره الجمعات,,وامناسبات واتحاشي يصير لي موقف لاني عارفه نفسي لو اعرف ارد ماقدر من احترام الاخرين الزايد عن حده
احين لا تعودت ارد باحترام مع المحترم...والعكس مع العكس...
واله يعينك اختي..
وحطي ان لم تكن ذئبا اكلتك الذئاب...
وسوي بحث في المواضيع..هنا بعضها استفدت منها بس اسف ماذكرها..
والله يوفقك وتسير حياتك للافضل
ضي العمر
ضي العمر
أنتي مو محتاجه غير تكوني وآثقه من نفسك وتحبي حالك أكثر

ووشخصيتك حلوه طيوبه ومبتسمه وتحبي الناس ياترى في أحلى من كذآ

الله لايحرم مبسمك السعاده

وعلآقتك بالناس خليهآ سطحيه يعني اللي عليك تسويه غير كذآ لآ

خلي في حياتك حدود وأنظمه ماحد يتعدآهآ يكفي أنهم يستشعروآ هالشي من خلآل تعآملك معهم

بدون ماتحكي

وتأكدي لأنهم عآرفين إنهم يمونون عليك وأنك طيوبه

ف صاروآ يقصروآ من نآحيتك لأنك بتعذريهم

وصآرو يتمآدوآ في معاملتهم لك









زائرة
احيانا يكون في الاسلوب في الكلام او فيك فضول الله يسخر لك يارب
اسيرة الحرف
اسيرة الحرف
مشكوورين كل اللي ردوا
جزاكم الله خير ع النصيحة
حكااايه عشق@
حكااايه عشق@
حبيبتي لاتنتظرين الناس يحبووونك ويعجبوون فيك لان هذا بيتعبك

شكلك مرا عسووله وطيبه ونصيحه لاتتغيرين وتتصنعين خليك ع طبيعتك لانك بااين طيبه
والطيبه بالهزمن نادره
بس خليك ع ثقه
ربي يسعدك