ادعاء المثاليه و التصنع

السلام عليكم
ما اعرف من فين ابداء موضوعي
انا ي بنات اكره ماعلي الانسان اللي يدعي المثاليه
هل هي تصنع او نفاق
ايش تسمى بالضبط هذي الظاهره
بس انا اعتبرها نقصصص ثقه و صراع نفسي
بقول كذا سالفه حصلت وانتو احكموا
--------
السالفه الأولى
بنت عمي كانت دايم تأيد قيادة المرأة
و تقول الله وش فيها البنت لأعتمدت على نفسها
الين انخطبت وانقلبت البنت 180 درجه
وترفض قيادة المرأة
وطبعاً ليتها ترفض و تنطم
الا تتفلسف وتقول الحمدالله ما نحتاجها نحنى السعوديات
معززات في بيوت اهلينا
وهي اخوانها اربع بس مامنهم فايده
تقولي عن واحد من اخوانها ماقد ركبت سيارته ابد


الموقف هذا قبل السماح بقيادة المرأة


و بعد تكره الأطفال
حتى ورعان اختها الكبيره عمرها ما قد ساعدتها فيهم

بس عيال حماتها اخت خطيبها
تتشيلهم اذا بكوا وتغسل لهم اذا اكلو شوكلت
وتجامل بطريقه مقززه واضح المجامله
--------
السالفه الثانيه
وحده من خواتي قبل تتزوج
كانت تقول اذا رحت بعثه للخارج ما انزل نقابي
ليش ربي هنا بس
ربي في كل مكان
طبعاً تزوجت و قبل الزواج كانت مقدمه على بعثه
وجاها القبول بعد زواجها بشهرين
وراحت البعثه و كشفت
انا قلت لها وين اللي ربي في كل مكان ولا مثاليه قدام المجتمع
تسوين فيها تعرفين الصح و علومك السنعه
ردت علي ان الشيخ اجاز كشف الوجه
اذا كان المكان اللي انتي فيه في بلد غير مسلم


على الرغم ان ردها كان هذا الأسلام الديني صبر
اذا ماصبرة على الحجاب برا و اللي حولي كلهم كاشفين
هنا يكون الأجر من العفه و التستر


طبعاً انا مو ضد الحجاب
انا ضد المثاليه بما انو مافي شيء حرام و لا اذى للغير
------
السالفه الثالثه
وحده من صاحباتي اذا كنا بجمعه و أذن
وشافت حرمه كبيره عندها عيال في سن زواج
تقوم وتقول يلا ي بنات خلونا نصلي و بعدها نكمل سوالف
او مثلاً سفرة العشاء تساعد و تحضر او تشيل السفره و تنظف
وتقول بصوت عالي وين المكنسه
انا ما ارتاح واجلس الين اكنس بعد العشاء
لما تتكلم ترفع صوتها علشان يسمعونها
انا اعرفها لما نكون لحالنا او بس ناس معينه موجودين
ما تتحرك رجل على رجل و على فونها


واخيراً
انا ادري ان الأنسان يتغير وحلو التطور والتغيير
وبعد العمر يفرق كل بعد كم سنه تتغير الافكار
وغير كذا ظروفك تتغير وتعطيك نظره اخرى للحياة
بس مو في غمضت عين
وخاصة انك تعرفين ان هالأنسان يدعي المثاليه