دانةالدانات @danaldanat

عضوة فعالة

ادعوا بسلامة ولدي

السلام عليكم ورحمة الله يالغوالي

من اسبوع ولدي وهو رايح لصلاة الفجر وهو ماشي في طريقه لاله ولاعليه

الا يجي راعي سياره جيب ويحده ويوقفه بوسط الطريق

رجل في الثلاثين من عمره متزوج وعنده ولد يقول لولدي انه يبي يصير صديقه

رد عليه ولدي انه مايصادق رجاجيل كبار قاله مو بكيفك بكيفي واذا ماسويت اللي ابيه بطيب بسويه بغصب
وماخلى ولدي يمشيء الا بعد ماوعده خير

رجع ولدي للبيت وهو ينتفض من الخوف وقالي السالفه وسمع ابوه بالسالفه وهو راجع من الصلاة

طلع يدور عليه مالقاه بالمكان اللي قال عليه ولدي

بعد طلعت الشمس راح هو وابوه للأمن يشتكون عليه والحمدلله الظابط رجال محترم خصوصا المشتكى عليه طلع راعي

سوابق بقسم االشرطه وعرفوه على طول وقالوا لزوجي وولدي هذا توه طالع من عندنا من السجن

في قضيه طاعن فيها ولد كبر ولدي بس بعد حب خشوم تنازل ابو هالولد

المهم استدعى الظابط ابو هالرجال الثلاثيني اللي يبي ولدي صديق له عشان الشكوى

وسجل تعهد بعدم تعرض لولدي والا يطرد من السكن هو وولده المتحرش

المصيبه يقول للظابط ان ولدك هو اللي جايني وهو سكران ويبي يتكي معي وولدك هو اللي يلاحقني

حسبي الله عليه يبي يقلبها على ولدي

يحلف ولدي ان هالرجال كان يبي صديقه ويوم ماشاف في صديقه رجى حول على ولدي والمصيبه رجال ابوعيال

وفوق كذا حزتها كان سكران وحزة صلاة الفجر

والله ولدي من الخوف رجع للبيت يصلي وابوه كان رايح قبله لان المسجد مو بعيد عن البيت

المصيبه يقول لولدي انا متابعك وعارف وين تروح ووين تجي ومع من تقعد ويقول له ياويلك لو ماصادقتني

والادها من هذا كله يقول لولدي عندي اخو مزيون اذا تبيه قلي حسبي الله عليه يقود على اخوه

طلعت اللي بقلبي من القهر من الحال اللي وصلنا له بدل مانخاف على البنت صرنا نخاف على الولد بعد

يلزم عليك تسجيل الدخول أولًا لكتابة تعليق.

تسجيل دخول

روعـــــــــه • 13 سنة

الحمد لله على سلامه ولدك استودعيه الله فى كل خروج له من المنزل

بترفلاي ستايلش • 13 سنة

لا حول ولا قوة الا بالله

الله يكفيكم شره

المصيبة انه معكم بالسكن ... لا عاد يمشي ولدك لحاله .. يا مع ابوه او مع اصدقائه ويكونون مجموعه

اودعيه الله صباح ومساء

دانةالدانات • 13 سنة

الله يجزاكم خي ر على المرور

المشكله ان ولدي مصاب بالسكر والله رجع للبيت ينتفض وارتفع عليه السكر تكفون ادعوله حسبي الله عليه

كوكيزشوكو • 13 سنة

لاحول ولاقوة الا بالله حبيبتي استودعية الله كل ماخرج

دانةالدانات • 13 سنة

بترفلاي ستايلش :

لا حول ولا قوة الا بالله الله يكفيكم شره المصيبة انه معكم بالسكن ... لا عاد يمشي ولدك لحاله .. يا مع ابوه او مع اصدقائه ويكونون مجموعه اودعيه الله صباح ومساء

لا حول ولا قوة الا بالله الله يكفيكم شره المصيبة انه معكم بالسكن ... لا عاد يمشي ولدك...

والله مايروحون ويجون عيالي الا اني استودعهم هو وخوانه رب العالمين

بس عيال الحرام الله يكفينا شرهم

ومثل ماقلتي معنا بالسكن هنا المصيبه:(