ادعوا لاختي المظلومة بعد تضحيتها لزوجها

السلام عليكم ورحمة الله وبركاته
اتمنى من جميع الاخوات اللي تقرا موضوعي تدعي لاختي فهي في امس الحاجة للدعاء
قصتها وما فبها انها متزوجة من ابن عمي وهو شخص عديم المسؤلية مومعطيها حقوقها ولا يصرف عليها لانها موظفة طبعا وهذه بلعتها وما قالت شي لكن حتى عياله مايصرف عليهم ويمرض الواحد ومايوديه المستشفى تخيلوا ينته عمرها اربع سنوات وعندها اكزيما وارجلها تصب دم وما تقدر تمشي عليها الا تعرج شكلها يحزن واسنانها تعبانة بعد كل فترة واللثة متورمة ويقول لاختي انتي السبب لانك اعطيتيها حلاوة انتي اللي تتحملينها ,وولده طابق عمره على المدرسة ولااضافة في الكرت وابنه الصغير عمره ثلاث سنوات وماكمل تطعيماته واهمال لدرجة ماتتخيلوها وذا ناقشته اختي في مواضيع عياله سوا لها مشكلة مالها تالي وفوقها ضرب واهانات وهجر ماله نهاية هذا وهي كانت شايله مصروف البيت عنه وساعدته في اثاث البيت وباعت ارضيتها علشان تسدد ديونه وكرمت فيه وفي اهله اذا جوا عنده لكنه ناكر جميل اكيد يتقولون وش اللي مصبرها ليش ماتروح لاهلي ,هي سبق وراحت لاهلي وحصل منه مشاكل واخذ عيالها منها وحرمها حتى من سماع اصواتهم وكانت اختي بتنجن المهم في النهاية رجعت بعد تدخل المصلحين لكن المشكلة الحين اسوا من قبل ساجنها في البيت ولا سوق وتعاني من امراض ولا مستشفى ليش ؟ يبغااها تساعده في مصروف البيت وتاخذ له سيارة لانه مقدم على زواج ثاني ومن غير مايعطي اختي رضوة ولا حتى ابسط حقوقها ودايم يهددها امام اهله علشان يساعدونه في الزواج ,شين وقوي عين ,المهم اختي طايحة بين نارين نار الحياة القاسية اللي معه ونار عيالها بيحرمها منهم لوراحت لاهلي .لو انها عارفه ان عيالها بيسعدون معه ماكانت شايله همهم لكن المصيبة انها لوراحت لاهلي ان عيالها هم الضحية ماحملهم وهي معهم كيف اذا راحت عنهم وتزوج واحده ظالمة خصوصا انها بنت ماتعرف التعامل مع الاطفال وانتم ابخص بدور العمات
اتمنى اللي عندها حل تقوله لاتقولون المحاكم لان اختي خايفة على اهلي من مشاكل زوجها لانه بايع حياته ماعنده خوف يهدد اهلي بالقتل امام اختي طبعا اختي ماتصرح بكل شي عند اهلي وتاركين لاختي الخيار في الحياة معه . قولوا لي اقتراحاتكم بالامانة وادعوا لاختي