ادعوا لاخوي ....

بسم الله الرحمن الرحيم
اخواتي الغاليات .....
انا مضايقة حيل يعلم الله اني اكتب لكم ودمعتي على خدي انا اخت ام راما سبق وان طلبت منكم تدعون لي الله يجزاكم خير انا مازلت على سورة البقرة والله كريم .
الي مضايقني مو انا انا متضايقة على واحد من اخواني اصغر الاولاد حظه عاثر بقولكم قصته وابغاكم تدعون له الله يوفقكم دنيا واخرة .
اخوي هذا انسان حنون وطيب فوق ماتتصورون ووسيم وكان مرة متفوق بدراسته ما شاء الله لاقوة الا بالله لدرجة انهم اخذوة من ظمن الموهوبين يمكن ثلاثه فقط من مدينة جده وقعد في دورة للمتفوقين في الصيف الي تخرج فيه من الثانويه العامه بمنطقة الشرقيه المهم اهلته النسبه لان يدخل كلية الطب وكان الناس كلهم يباركون ويهنون اهلي على تفوقه ونجاحة .وبعد مادخل كلية الطب تغير حاله 180درجه اصبح يحس بضيق شديد عند المذاكرة ولايحب الدوام وينام كثير واصبح عصبي ونفسيته متغيرة جدا وانا احس فيه كلمته اكثر من مرة وش السبب يقول احس بضيق عند المذاكرة .والله يابنات هو انسان ناجح يعني اكثر واحد باخواني حريص على دروسه وشاطر مرة ما ادري وش فيه .المهم جانا فجاه خبر رسوبه في اربع مواد كانت كالصاعقة علينا وامي تبكي مو مصدقة وش الي حصل له واهلي بهم وضيق على مستقبله وهي فرصة مو اي احد يستطيع دخول الطب .قلت لاهلي خلاص عطوه فرصة ان شاء الله السنه الجايه يعوظها
المهم اصبح يتهرب في ايام الامتحانات بالذات من البيت وانا لما اسأله يقول ما ابغى اشوف دروسي والله ودي اذاكر بس مو قادر اتعب مرة قلت له ليش ماتتعالج اذا هي نظرة تروح عند شيخ ومع القراءة تتحسن ما اقتنع بكلامي رغم انه عارف ومتاكد انها نظرة واخذته وكلمته طيب اذا نفسيتك تعبانه روح لطبيب نفسي عادي كل الناس الحين يروحون وانا حاسة فيه لاني مريت بتجربه اصعب منه وعايلتنا ماشاء الله كلهم متفوقين وناجحين واكثر من مرة يجون ناس ويقولون
لابوي عيالك ناجحين بحياتهم وش تشربهم الله يكافينا بس .وبعد ذلك عاد السنه طبعا وصار يغيب لان محاضراته اصبحت اقل وامي تعبانه نفسيتها منه شايله همه وصارت تخاصمه اذا طلع وتضربه احيانا وهو والله كاسر خاطري حاسه فيه .
لانه يصارحني بتعبه من دروسه .وهذي السنه كذلك عاد السنه في ماده واحده لم يستطيع تجاوزها المتفوق اصبح يعيد السنه ثلاث مرات وهذي اخر فرصه له بالجامعه .اذا لم يجتاز هذه الماده مستقبله في الطب راح يدمر والسبب اعين الناس الي ماترحم حرمت شاب متفوق من تحقيق طموحه .الي حزني اكثر اني اتصلت على جواله واذا بنشيد يقطع القلب يشكي حاله وحظه العاثر .ادعوله امانه يابنات ادعوا ربي انه يوفقه ويحفظه ويعافيه ويشفيه من العين ويفتح نفسه للعلم .:44: