ادعوا لي إني اتعافى من الإدمان على الصابون

رفع

ياعمري
ربي يشفيك

ممكن اكل الصابون صار عاده عندك لانها من سنوات عقلك الباطن يطلبها لا شعورياً

وطالما تقولين انك لما تاكلين حبوب المكملات الغذائيه ترجعين طبيعي تعيشين يومك بدون اكل صابون معناه انك قادره تتركين هذي العاده السيئه اللي تضرك نفسياً وجسدياً فقط محتاجه بديل وتعديل السلوك بالتدريب تدريجياً

والبدائل حواليك كثير اذا حسيتي برغبه في مضغ الصابون وتكون الفكره رغبه قويه تجاهليها فوراً ولا تحدثين نفسك بها وروحي اشربي كوب كبير مويه وخذي أي فاكهه تقرمشينها بأسنانك مثل تفاح او خيار او رمان او كلي كم قطعه حلويات او علك او مكسرات او فشار وامضغيه دقايق بيشيل منك هذا التوتر اللي تحسينه ويشغلك ويلهيك

واستمري على هذا الحال وبالتدريج راح تقل رغبتك وتستبدلين العاده السيئه بحاجه كويسه

وعلمياً يقولون اذا عندك عاده سيئه وغيرتيها واستمريتي على التغيير 20 يوم متواصله راح تنسين العاده السيئه

وعلى فكره اكل الصابون له اسم علمياً هو بايكا يعني ادمان اكل المواد الغريبه

والمصابين فيه غالباً عندهم وسواس النظافه وتوتر وقلق وضغوطات نفسيه ما يعرفون كيف يتعاملون معاها وبطريقة ما وقعوا تحت هذا الادمان الغريب كتنفيس يعطيهم شعور وهمي بالسعاده

عشان كذا ابدأي غيري نمط حياتك جذرياً وتوكلي على الله وكوني ذات عزيمه واراده قويه وراح تتغير افكارك وحياتك للافضل
اهم شي روحي اعملي تحاليل وفحوصات تأكدي من الفيتامينات والمعادن اللي محتاجها جسمك يمكن يكون معك سوء امتصاص او جسمك ما ياخذ كفايته او تحتاجين فترة علاج وتصحيح التغذيه عشان يكتفي جسمك من نقص المعادن والفيتامينات .. ابذلي الاسباب عشان عقلك يقتنع بالواقع ان جسمك مافيه الا العافيه وبس محتاجه تصححين بعض الافكار والاعتقادات اللي اقنعتي عقلك الباطن فيها

الله يشفيك

الله يشفيك شفاء لا يغادر سقما. ❤️