ادعوا لي اقوي قلبي واطلب الطلاق

بنات ادعو لي اقوي قلبي و اطلب الطلاق

يمكن البعض يعرف قصتي و البعض لا

انا متزوجه و عندي طفلين .. ولد و بنت الله يحفظهم وحامل الان ببنتي الثانيه

بنتي الأولى جبتها بعد ولدي بسنواااات .. جبتها بعد ما سويت اطفال انابيب اكثر من مره .. والمشكله كانت من زوجي

بعدها بفتره اراد الله وحملت طبيعي سبحان الله
شيكنا على الجنس مرتين وقالو بنت
وهو انهبببببببل .. ما يبيها .. من يوم كنت بالشهر الثالث اول مادرى انها بنت قال لي سقطيها
وانا رافضه و حاولت ازرع فيها الشك انها ممكن تكون ولد
الان انا بالخامس وتأكدنا انها بنت الله يحفظها واخوانها
وجن جنونه .. ما يبيها .. يدعي ربه ما يشوفها .. تموت هي او هو يموت قبل لا يشوفها .. لا حول و لا قوة الا بالله

من الفجر الى الظهر وانا ابكي راسي صداع .. ماخلاني انام .. لين الحين يقول لي لازم تسقطينها .. وايش هالعناد اللي فيك .. عنادك بيهدم بيتك .. ووالله لا اكسر راسك عند الناس واتزوج بالسر و ماتدرين الا وانا متزوج.. انا مابي الزواج لكن بس عشان اكسر راسك ..
ومقتنع انها بتكون ذكيه ومتعاونه و تسقط البنات!!!

الكلام كثير و التجريح أكثر .. واللي يقهر يقول عن دموعي انها دموع تماسيح .. مع اني احاول اغبيها وما ابكي قدامه عشان لا يشوف ضعفي .. ويعرف اني ما اعرف امثل البكى .. مع ذلك ١١ سنه و اذا شافني ابكي ما تأثر فيه ويقول دموع تماسيح

اعذروني على صراحتي .. بس تخيلو يقول لي تعالي بحضني و اذا رحت يجلس يبو* وووو وانا احبك واموت فيك لكن انتي تضطريني اكسر راسك
وراح تندمين على كل دقيقه .. الحين انا عندك ٢٤ ساعه بعدين بس نص الوقت .. وانا سااكته وان رديت قلت الله يبارك لك وبس
من داخل اتقطع قهر و غبن على حظي الأقشر.. وش ذنب عيالي يصير هذا ابوهم
تصدقون ماعمره وداني او جابني بيت احد الا بالحسرررره و بتنكيد و غث.. اغلب وقتي يمرون علي قرايبيني .. واللي يكسرني ان بس انا كذا .. بس انا .. كل ازواجهم تبارك الله ما يقصرون معهم الا انا ..
ماشوف حبه غير بالسرير وبس

متوعدني بأسوء الايام و المعامله السيئه ان بقيت على اللي ببطني وماسويت شي عشان اسقطها

الحين قرار الطلاق


اخاف يحرمني من عيالي لعانه لا اكثر .. ولا هو دايماً يقول انه الحرمه الذكيه اذا تطلق ترمي عيالها عزوجها عشان يتأدب !!
يشوف وجود العيال عند الاب بدون امهم غثى..


يعني لازم اقرر واضف كلللل شي و انادي اهلي واطلع من بيتي بلا رجعه وهو غير موجود

بس خايفه يجيني ديرتي يطلبهم!!!!
يعني قبل لا يصدر قرار الخلع من المحكمه في ديرتي!!

اخاف يجي يوم واحن لبيتي واندم .. اقول ليتني صبرت كان يمكن يكون يتغير

محتاااااااااره و خاااااايفه

**************************************
اهلي برى السعوديه
واخاف اصبر و ما اتطلق و يلغي تصاريح خروجهم و اندددددم وقتها ما يفيد الندم

***************************************



بنات
في منكم مر بتجربه شبيهه لتجربتي؟؟ هل ندمتي بعد الطلاق؟؟ كيف كانت حياتك؟؟



بنات ادعوا لي و دلوووووني


يارب سخر وحنن قلب زوجي لي و لأطفاله وجنيني يارب يارحييييم