ادعوا لي تكفون عندي اشتباه بحمل خارج الرحم وتعبانه والله خايفه من النزيف الداخلي

الله يعافيك ويشفيك....,,,,
والله ماعندي علم..,,,
بس حبيت أدعيلك وأرفع موضوعك..,,
نصيحة لاتنسين الدعاء الدعاء...,,,

الله يشفيك ويعافيك ويرزقك بالحمل السليم المعافي وان شاء الله مايصير خارج الرحم لاتستعجلين

بسم الله عليك حبيبتي لاتخافين
اناسبق وصارلي وانفجرالانبوب ومن اعراضه الم شديد لايحتمل في جنبي ونزيف
وانتي ماعندك هالاعراض فباذن الله مافيك الاالعافية والله يكتبلك اللي فيه الخير

جزاكم الله خير ..بس انا معي الام مثل الدوره شديده في البطن والظهر وثقل في البطن ماقدر امشي تتوقعون عادي لان الدكتوره تقول اذا مو متصله مافي خطر ..يارب ارحمني..

انا صار لي حمل خارج الرحم من ٥ شهور تقريبا و ما اكتشفته إلا لما كنت تقريبا ٧ أسابيع و كان الجنين فيه نبض فأنفجار الانبوب مش سهل و ما يصير على طول اللي فهمته انه يصير بين الأسبوع السابع و الأسبوع التاسع .. بس انا شكيت لان كان عندي الم شديد جهة اليسار من منطقة المبيض اليسار و يمتد لين ظهري بس جهة اليسار و اعتقدت ان عندي التهاب بول و رحت للدكتورة و قالت خلنا نصور يمكن نشوف النبض و لما صورت اكتشفت انه خارج الرحم و لا سبحان الله كان فيه نبض و كبير و في المستشفى خيروني بين الأبرة اللي تذوب الجنين أو اني اشيل الانبوب و سألت كم دكتورة من اللي اعرفهم و كلهم نصحوني اني اشيله لانه فيه نبض لو كان مافيه نبض قالولي الابرة احسن لكن مع النبض يكون في خطر الانفجار و استخرت و شلته و الحمد لله لان انفجر في غرفة العمليات كان واصل حده و صحيح كان هرموني مرتفع ان الدكتورة شكت اني حامل في توأم .
على العموم المفروض بعد كم يوم بالتصوير المهبلي يبين و مب شرط يكون خارج الرحم لان احيانا يتأخر ظهور الجنين في الرحم خاصة انك ما عندك الم في جهة وحدة و الاعراض و الوحم وحدة ما كانت تختلف عن حملاتي الثانية فانتي انتظري و ان شاء الله ما يصير الا اللي فيه الخير ..