ادعوا لي ( فضفضة )

السلام عليكم
ابقولكم شي بخاطري وودي اسولف فيه بس ماعندي احد اقدر ابوح له بهالمشاعر :(
امي ماودي اضيق صدرها لااهي ولا خواتي اصلا احسهم بيستهترون بالموضوع ويتطنزون علي لا قلت لهم :(

المهم
انا عمري 22 سنه وماقد انخطبت الا 3 مرات وكلام بس :(
مع ان خواتي ثنتين اكبر مني وماشاء الله ماجاء عمرهن 20 الا وهن معرسات ماشاء الله مشاء الله مع اني الحمد لله مااقل جمال عنهن ..

وانا اللي مضيق صدري ليه مااعرست للحين يضيق صدري اذا وحده مدحتني عند امي طيب دامك تمدحيني وراه ماتخطبيني لولدك طيب اذكريني لاحد :(
ويضيق صدري بعد لارحت عرس واكون كاشخه ع سنقة عشره وكلن يمدح بس محد يجي يخطب :( والله مو مدحاً فيني بس هذا الصدق ..
ويضيق صدري زيادة اذا احد سالني غريبه للحين مااعرستي !
ولا لاقالت لي وحده ترى موب زين تردين خطاطيب كثير :/ طيب محد جاء عشان ارد :(
محد مصدق من اقاربي ولا صديقاتي اني ماانخطب كلن متوقع اني ارد :(

وانا والله ماكتبت هنا والله الا عشان تدعون لي يمكن احد فيكم يكون باب السماء مفتوح له وتستجاب دعوته
ادعوا لي ان ربي يرزقني بالزوج الصالح اللي اتمناه ويرزقني منه بالذرية الصالحة عاجلا غير اجل
مره ودي اتمنى يكون عندي بيت مستقل وزوج اطلع انا وياه ونفرفر كل مكان اتمنى يكون عندي اطفال ينداوني ماما اتمنى تكون عندي حموله طيبه احبهم ويحبوني اتعازم انا وياهم ونزور بعض وينادوني مرة فلان ادري بتقولون احلام مراهقه بس ادعوا ربي يرزقني بما اتمنى
اتمنى اشياء كثيرة وادعي ربي دايم يحققها لي عاجلا غير اجل :(

وادعوا لي ان كان في ذنب انا مسويته مانع ان ربي يحقق لي هالدعوة ان ربي يغفره لي ويبعدني عنه

اتمنى اتنمى انكم تدعون لي وماتنسوني :(