السلام عليكم ورحمه الله وبركاته ..
صباحكم ../ مسائكم ورد وفل وريحان معطر بالأيمان وطاعه الرحمن ..
كيف الحال ؟؟ وكيف رمضان وياكم ..
انا عضوه جديده وحبيت روح التعاون فيكم وهذا الي شجعني انزل مشكلتي وعساني القى حل عندكم
واتمنى من اي وحده تقرى موضوعي تدعي لأخوي بالهدايه والصلاح والتوفيق وان الله يحقق امنياته هو وجميع
المسلمين سواء بترد ولا مابترد ..ولكم دعوه من قلب
انا مشكلتي بأخوي هو الوحيد بيننا حنا الخوات وابوي متوفي مالنا بهالدنيا الاهو بس مشكلته انه مو متحمل هالمسؤليه مايودينا ولايجيبنا الانادراً حاط اصدقائه من الاساسيات في حياته وعنده استعداد يبديهم علينا
ويوم انه صغير كان احسن كثير بس الحين مدرري اش صار عليه كل مانقوول بنروح ولامحتاجيين يطنش ولايجيب يعني احنا مالنا غيره كيف نروح ونجي يحسبنا مو محتاجيين شي ابد :09:
اخر موقف قبل امس امي كلمته عشان اختي تعبانه وتبيه يوديها المستشفى انتظرته من اليل وكل ماتدق عليه
يقول مشغول يوم جا الصباح امي لبست عباتها وقالتله يلا قال لو اشوفها تموت قدامي مو موديها وتحاول فيه
يقول جاي تعبان ونعسان وبنام مخلي البيت فندق طبعا كانت اختي بتموت علينا من الوجع واحنا مو محصلين احد
يودي تحمم وراح نام وماسمع لترجي امي وياقلبي على امي قلبها محرووق على هالولد الي ماتشوف بدنيتها غيره
وطبعا هالاصدقاء ماخذييينه منا وياليت مستفيد منهم او مطوررين منه بالعكس والله لو انهم صالحين ومثقفين كان احسن كان ماتكلمنا لأن الي يعاشر ناس كذا يكوون واعي وينفهم و...الخ
اصدقائه مستغلينه مادياً مافي احد من اصدقاائه صديق صدوق ومعطيهم كل وقته شي يحررق القلب
وهو احسه راضي بالوضع بس يووم افكر وش الي يجبره مالقى رد الا انه بيشتري اخو وصديق ومو لاقي وعند باله بيكسب صديق بفلوس طبعا اتوقع تقولون وين المشكله
نبيه يهتم فينا يراعي انا حنا بنات ومالنا اخو وراعي غيره نبيه يحس بالمسؤليه .. بس كيف ؟؟
نبيه يترك هالاصدقاء الي ماخذين كل وقته ومو محصل من صداقتهم غير ضياع الوقت والفلوس نبيه يتعرف على ناس صاحيه ؟؟ نبيه من المسجد للبيت للجامعه نبيه يصير واحد مثقف ؟؟:icon33:
نبيه يحترم امي ويقدرها نبيه مايطول لسانه ولايجرحها نبي نخليه يحط امي فوق راسه ويشيلها على كفوف الراحه يعوضها عن العذاب الي عاشته والي عانته بسبتنا ؟؟
تكفووووووووون ساعدوني لو بدعوه طبعا مواقف كثيره صارت وتحرق القلب بس اكتفي بلي ذكرته ..:44:
زيوونه @zyoonh
عضوة جديدة
يلزم عليك تسجيل الدخول أولًا لكتابة تعليق.
lazourdee
•
الله يهديه ويصلحه
شوفو وش يعطونة اصدقائة أنتو ما عطيتوة حاولو تتقربون منة اكثر. اطلعو معاة كثير منتزهات ترفيهية حاولو تعزمونة برا على العشا جيبو لة هدايا ذكروة برضا الوالدين وبر الوالدين
الصفحة الأخيرة