او اصبري ولا تغلطي غلطتي كنت مغتربة انا وزوجي عن اهلي واهله الفرق انه فرشنا فرش خيالي من ايكيا وهوم بلازا ومطبخ مكلف

ومجالس ومكتبات وطاولات ،، ومازارني خلال ذيك الفترة غير يمكن عشر عوائل لو كثروا
وبعدين نقلنا والله والله والله مائة الف بالبيت ماخرجنا منه الا بثلاثين الف تقريبا خسارة المطبخ خسارة المجالس وملحقاتها والموكيت بما اننا كنا في منطقة باردة وانتقلنا لمنطقة حاره مانحتاجه وبعناه وكل شيء والحين دفعنا فوقها اربعين الف تقريبا ولا كملنا لا مجالس ولاشيء
شوفي انت مطبخ جديد كم يكلف وخسائر على الفاضي ،، اصبري والله نصحوني كثير وماسمعت واتسرعت والحين ندمت

اهم شيء الراحه النفسيه تقدري تكوني لنفسك الراحه مب بالمظاهر لا تفكري غير بنفسك وزوجك وعيشوا هالفترة كانكم بجناج بفندق عدلوا بالاكسسوارات والفرش واضيفي لمساتك والله يفرجها عليك وماتضيق الا وتفرج صدقيني لا تضغطي على زوجك ولا على نفسك ماحد يحس بمعناتكم غيركم ،، الله معاك واستغفري كثير

الله يفرج همكم

اسال الله ان يفرج همك ويرزقك من عنده ويسخر لك عباده اصبري يا اختي كلها فتره وبتتعدل الامور

حبيتي ليش شقة مفروشة أكيد راح تلاقون شقة ارخص وأنتى حطي لها فرش بسيط جدا وصدقيني مريت بنفس حالتك وأخس وتخيلي سنيان ساكنة فى غرفة هى لأكل والنوم والمطبخ سيب صغير وعندى 2 من البنات وراتب زوجي كان 2500 تخيلي وكمان علينا قسط شهرى 1000 ريال تخيلى والله أذكر يومين أنا وزوجي بس ناكل بسكويت الشاهى علشان أقدر أوفى للحليب والحفائظ لبناتي وصدقيني سنة كاملة أستغفار ودعاء وصلاة أخر الليل والله زوجي توظف أحسن وظيفة وأحسن بيت وحالتنا المادية تمام أهم شى حبيبتي أوقفى معه بمثل هذا الوقت حتى بالدعم المادي منك يعني ذهب شى يساعد صدقيني الدنيا رايحة وبعدين لما تتعدل الظروف راح يحاول يلبي لك كل أحتياجاتك وكل الى تتمنين الله يسهل أمورك ويرزقكم من واسع فضلة بالرزق الحلال وكمان نسيت أقولك أنتبهي تشكين الحال لغير رب العباد

لا يضيق صدرك ناقلمي مع الوضع وان شاء الله سنه او سنتين وتمر
مالك الى الصبر وانا اختك