ادعولي الدنيا ظلمه في عيني 😔

السلام عليكم
والله ماعرف من وين ا بدأ
قلبي تعبان وربي وخاطري مكسور ،فيني يأس واحباط وقهر 😭
انا يابنات الحمدالله بنت جميله بشهادة الناس الحمدالله رب العالمين عمري ٢٦ وراضيه تمام الرضى عن شكلي ، مو هنا مشكلتي ،مشكلتي اهلي مو اجتماعيين مره وانا كمان زيهم صرت بسببهم وبسبب انو ماعندي احد اساسا لاني في البيت عاطله، مع ذلك الناس الحمدالله يعرفو اننا عايله محترمه ونسب واصل وكل شي تمام ،مافينا عيب سمعتنا طيبه لك الحمد ،وانا محافظه وماشيه في حالي ومحد عمره ذكرني بسوء ولا اذيت اي مخلوق ولا الناس اذوني لاني دايما بعيده عنهم ،المهم هذا مو مدح وربي اتكلم بالحقيقه ،لكن مع ذلك ما انخطب كثير، قليل جدا بل نادر 😟،وارجح دايما السبب اننا عايله بعيدين عن الناس وبكذا محد يعرفني 😖💔 .
المهم انخطبت اخيرا بدون عقد الآن،بس مافرحت زي البنات ابدا ... ،الشخص اللي خطبني مسؤول عن عايلته وراح يسكن معاهم للأبد ، ام مترمله واختين مراهقات في البيت وخالته كبيره كلهم مسؤول عنهم ويعولهم...وهو الوحيد لهم💔واللي فهمت انو راح يسكني معاهم بملحق !!
وبعد كذا راح يبني ويعيش في منطقه بعيده اشبه بالهجره خارج المدينة ما فيها خدمات
يابنات مصدومه وربي ،ابغى ابطل بس امي واقفه في وجهي مو راضيه اهم شي عندها انو رجل ، وصارت تشك فيني مفكره حاطه احد في بالي وانا يشهد الله ماعندي اي بني ادم في بالي ،بس كل اللي اتمنى زواج يناسبني ويناسب رغبتي وعدم خروجي عن مدينتي ،
كيف انخطب واتزوج لو بطلت منه ،معقوله ماقدر الا عن طريق الاعراس 😟ياناس هذا شرع ربي ولا شرعنا احنا السعوديين ،قسم بالله قرفانه وقافله معي مره 😖وامي خايفه اعنس هذا اكبر همها ..مايهمها راحتي النفسيه ،وتقول لو بطلتي شوفي مين يتقدملك ...كلام كثير تقوله لي كسر مجاديفي ،تعبااااااانه جدااااا ،وخايفه من كلامها فعلا انو اكبر وماتزوج ،بسبب انو محد شايفني ولاعارفني ، ليش الزواج صعب كذا والخيارات محدودة 😖 والله اكتئاب خلا وزني يزيد كمان خمسه كيلو ،بس ابلع من القهر
ادعولي امانه 😢والله ما استاهل يحصلي كذا ،حظي زفت دايما ..ايش الحل