السلام عليكم
هذي مشاركتي الأولى اعتبروني اختكم أبي رأيكم ودعواتكم والله يشهد على كل كلمة بكتبها
قصتي بدت من خمس سنوات تزوجت وأنا عمري 22سنة زواج تقليدي من أول أيامي اكتشفت وش يعاني منه زوجي الا وهو العجز ومع هذا ما شكيت ولا حكيت ولا حتى بينت له شي بالعكس كنت احسسه ان هذا الشي طبيعي ويصير ومرت الأيام والسنين وأنا صابرة وساكته ولا يعرف هالموضوع غيري انا وياه ورب العالمين هذا غير شخصيته كان انسان سلبي مع أهله ولا يقدر يخالفهم بشي وادري ان هالشي واجب وانا ما كنت اشكي لأنهم اهله ولهم حق عليه بس مو على حساب حياتنا والله العظيم كل شي يعرفونه عننا ما يعرف معنى الخصوصية بيننا والله ياجماعه يكلمونه ويصحونه من عز نومه على اسباب تافهه ويركض لهم ومع كذا اهدي نفسي واقول اهله وحقهم بس بالمقابل والله لو اموت ما سأل عني واقوله ابي اجلس معاك نطلع سوا ****لله نجلس بالبيت بس اناو انت لحالنا يجلس يتاسف ويقول ****لله ولما يجلس تدرون وش يسوي يناااااااااااام ويحسبها علي جلسه وللمعلومية انا بمدينه ثانية غير اللي فيها اهلي يعني مالي احد المهم من كثر الضغط ما انكر صرت اعصب احيانا بس الله العالم ما قد غلطت عليه ولا جرحته بكلمه بعد مرور سنة ونص من زواجنا صارت مشكله بيني وبينه لأني اكتشفت بالصدفه انه ياخذ ادويه نفسية انصدمت ان طول هالمدة ما ادري وجلست زعلانه فتره طويله فجاء وقالي انا احبك وانتي مافيه منك واللي المشكله اللي فيني اضنها نفسية ولازم اروح لطبيب نفسي رحبت بالفكرة وقلت انا اعين واعاون ولا كأن شي صار وقالي انه راح له وقال لازم الزوجه تجي وقلتله من عيوني ,نسيت اقولكم اننا سنه ونص جالسين في بيت اهله رغم ان بيتنا كان موجود بس ناقصه الاثاث وسنه ونص ما قدرنا نأثثة لأنه مو فاضي لي ولا لطلباتي رغم ان حالته المادية ممتااااااااااااااازة المهم رحنا للطبيب واكتشفت الطامة الكبرى انه قايل له عني اشياء انها عصبية وتزعل بسرعة وانها وانها وانها وماحكى عن نفسه ولاشي وكأنه كامل من كل شي قلت للدكتور بحضوره اللي سبب عصبيتي بدون ما اتطرق للعجز وقلتله عن تدخل الأهل فقالي الدكتور خلاص تجنبيهم قلت كيف وانا معاهم بنفس البيت!! تفاجا ولما درى عن اهماله لي وتعامله معي عاتبه وقاله لازم تكون صادق معي وتقولي كل شي فيكم انتم الاثنين المهم جلست انا والدكتور كل واحد لحاله ورسمنا خطه علاجية له وكنت له الزوجه اللي كاتمه اسراره ولما جا موعد الدكتور عشان المراجعه قال لا ما ابي خلاص ما ريحني عرفت ان السبب لأنه ما وقف بصفه زي ما كان يبي المهم مرت السنين وبدا السؤال من الأهل عن تأخر الحمل الله يشهد ان عمري ما بينت لالأهلي ولا لأهله انه فيه شي وبالعكس ابين اني قمة السعادة والفرح
لين يوم كنت جالسة مع اهله وهو ما كان موجود سأل ابوه عن بنت اختي وكم جلست اختي لين ما جابت بنتها فقلتله جلست كم سنه قالي اهااااا اجل انتم بالوراثة قسما بالله طعني بقلبي بغيت اقول الحقيقة بس لا تربيتي ولا خوفي من الله يسمحلي اقوله سكتت ولا قلت كلمه ولما قلتله وش قال ابوه ضحككككككككككككك من كل قلبه وقال ياحليله ابوي وفي عيونه نظره تقول الحمدلله ابوي ماعنده شك فيني وبرضو سكت وكتمت بنفسي وعشت حياة كلها لا مبالاة وخوف وقهر وبخللللللللللللللل علي انا بس بس لو تطلبه وحده من خواته مارفض طلب لدرجة مرة كان عندي موعد طبيب ويشهد الله اني ما عمري طلبته بشي لي كان يجيب لي هدايا بين وقت للثاني اكتشفت بالأخير انها مو عربون محبه زي ما كان يقول الا رشوة لي عشاني ساكته تخيلوا العقليه والحمدلله اهلي مو مقصرين علي بشي ورغم كل هذا عمري ما حسسته اني محتاجه حتى لما اجيب هديه لحد من اهله اقول كله من خير فلان وهو مادفع فيها فلس المهم قلتله عندي موعد وابي مبلغ بسيط عشان العيادة قالي ما معي وبنفس اليوم تكلمه اخته تبي 500 ريال عشات حفلة بناتها رغم ان زوجها غنيييييي قالها سمي وابشري المهم عدت الأيام وانا نفسيتي تعبت والله اني خفت على نفسي يجيني شي وانا لحالي وكل ما شكيت له يتأسف ويوعد ما يكررها وكلام غزل وانتي مافيه مثلك وانا محظوظ فيك وبس كلام بدون فعل وبعدين ترجع حليمه لعادتها لقديمة لحد ما مر على زواجي سنتين ونص وانا بعذااااااااااااااب ورمي كلام وتجريح من اهله محد عرفه حتى اقرب الناس لي وقررت بعد استخارة رب العالمين اني اطلب الطلاق لأني فعلا تعبت ووقتها كنت بزيارة لأهلي ولما قلت لأمي قراري اكيد قلتلها السبب وامنتها محد يعرف غيرها وامي كتومه مثلي ولامتني ليه صبرتي كل هالوقت وماحكيتي ولا شكيتي وخافي على نفسك قلت يمه انا سويت اللي يمليه علي ضميري وانا مرتاحه كذا وكل هذا يا بنات وانا مشاعري تجاهه كانت عادية يعني لا احبه ولا اكرهه وش كان مصبرني طول هالفترة والله ما ادري المهم حصل الطلاق بدون ما نقول لاهله السبب الحقيقي لأننا توقعنا هو اللي يقولهم وتجي منه احسن وطبعا ماحاول حتى يتفاهم والا يحكي مع ابوي حكي رجال اصلا ماقدر يواجه المهم راح بسبيله وقلت الله يوفقه وكل ما سأل احد عن السبب قلنا نصيب تخيلوا يا بنات بعد اقل من شهر على الطلاق يخطب لما قالوالي قلت الله يوفقه والله ماكان بقلبي عليه شي وتمنيت له التوفيق من كل قلبي وعرفت ان كل اللي كان يسويه تمثيل وانه ما يستاهل شي بس كل واحد يعمل بأصله ووكلت امري لله وخطب كذا مره بعد كذا وكلها ماتتم سبحان الله ولما كان احد من اللي يخطبهم يسألون امي عن السبب تقول نصيب واسألوهم يقولون انها هي ما تتحمل وهي وهي وهي الحمدلله على كل حال حسبي الله ونعم الوكيل بس كانوا يسألون الناس اللي يعرفوني ويسمعون عني كل خير الحمدلله والناس تقولي والله يا فلانه انك قويه عرفتي تتخذين قرار وشكلك مبسوطة وما اثر فيك الطلاق وهم ما دراوا اني احترق على نفسي من الداخل ابي اكون اسره واعيش مثل غيري بس الحمدلله على كل حال:44:
الحين لي سنتين ونص مطلقه وصابره وساكته بس والله احيانا تحز علي نفسي واقول ليه سويت بنفسي كذا بس الحمدلله مافيه شي يضيع عند الله ادعي ربي يعوضني خير ويرزقتني بالذرية الصالحة قولوا امين ان كنت اصبت يعوضني خير وان كنت اخطأت يغفرلي
ادري طولت عليكم بس للعبرة يا بنات في اشياء المفروض يتحدد موقفكم من اول الأيام رجاء ترا لنفسك عليك حق
ابي رأيكم ودعواتكم وسلامتكم
smss @smss
عضوة جديدة
يلزم عليك تسجيل الدخول أولًا لكتابة تعليق.
الله يعينك اختي ويصبرك .. صبرتي ..وبتنالين ان شاء الله ..~ الله يرزقك بالزوج الي يقدرك ..الله يعينك اختي ويصبرك .. صبرتي ..وبتنالين ان شاء الله ..~ الله يرزقك بالزوج الي يقدرك ..
همس 88
•
الله يعينك اختي ويصبرك .. صبرتي ..وبتنالين ان شاء الله ..~ الله يرزقك بالزوج الي يقدرك ..الله يعينك اختي ويصبرك .. صبرتي ..وبتنالين ان شاء الله ..~ الله يرزقك بالزوج الي يقدرك ..
الله يوفقك دنيا وأخره ويعوضك بالزوج الصالح المحب في هذه الليلة الفضيلة والمباركه اساله تعالى ان يعوضك خيرا منه وان ينسيك منه وان يكفيك شر كل من له شر
smss
•
اااااااااااااااااااااميييييييييييين يارب العالمين
مشكورين خواتي الله يجزاكم خير ويفرحكم وريحكم دنيا واخره يارب العالمين
مشكورين خواتي الله يجزاكم خير ويفرحكم وريحكم دنيا واخره يارب العالمين
الصفحة الأخيرة
صبرتي ..وبتنالين ان شاء الله ..~
الله يرزقك بالزوج الي يقدرك ..