ادعولي ..انا في ضيقة ما يعلمها الا الله..قالتلي الدكتورة؟؟

السلام عليكم
انا في الشهر الخامس ومن اول ما حملت وانا طايرة من الفرح ماني مصدقة متى اشوف البيبي واضمه ورحت وشريت (ل فيصل )كل الملابسه والعابه حتى الوالدة كنت عندها البارحة وشرتلي ملابس للبيبي ومبسوطة مع اني عندي ثلاثة قبل والحمد الله
ورحت اليوم للحبيب عندي مراجعة مع الدكتورة شاكرة وسوت اشعة وطولت الممرضة وجت وحده ثانية معها اكثر من نصف ساعة وهم ساكتين واسالها بنت ولا ولد وانا عارفة قالت الدكتورة تقولك انا ما اقدر وشوفها كانها متعاطفة معاي مدري ليه شكيت انه في شي المهم الدكتورة قالتلي البيبي سماكة عنقه اكثر من الطبيعي المفروض 3وهو 6 سم وانا ساكته قالت يعني يمكن يكون مغولي .....
انا ساعتها سكت وبعدها تحمدت الله وذكرت الله بنفسي بس والله ماادري وش قلت المشكلة بنتي الصغيرة معاي اخذتها علشان تشوف البيبي با الاشعة وطلعت با المصعد وانا خانقتني العبرة غصب عني جلست ابكي
الدكتورة قالت تعالي يوم الاحد علشان تشوفك الاستشاريه وتتاكد فلا تنسوني من دعواتكم ان شاء الله يكون في غلط انا للحين ما قلت لزوجي ما ابغى اقوله الين اتاكد يوم الاحد ومدري و ش اقوله الله يعين سبحان الله امس كنت اقول انه ولدي الجديد (فصولي) بياخذ غلا عيالي كلهم وجالسين نتفرج على صور عيالنا لما كانو مواليد واقول شلون بيطلع شكل (فيصل) اللهم لك الحمد كما ينبغي لجلال وجهك وعظيم سلطانك..اللهم فرج همي يارب العالمين لا تنسوني من دعائكم