اختي الله يوفقك ويرزقك بأبن الحلال الي يستاهلك ويصونك

اختي انتِ بعدك صغيره مو متأخره عن الزواج ورزقك الى الآن الله ما كتبه لا تستعجلين

واذا الله وفق لاختك تتزوج اقنعيه ان هذا رزقها وحرام ترجعونه بس لأنك انت اكبر منها ولازم انت تتزوجين قبل

كل واحد ونصيبه والله يرزقك ويرزق كل الاخوات بأزواج صالحين

اولا اختي انتي توج صغيرة وتوج بداية الطريق وقدامج الدرب طويل ،، بيجونج خطاطيب ومن كثر ماترفضين بتملين انا واثقة ،، وبعدين اذا اختك انخطبتي مو معناه انك ناقصة بالعكس المسألة مسالة نصيب وقسمة صدقيني ،، وانتي اذا نسيتي موضوع الزواج شوي راح تلقين انه يركض وراك ،، وصدقيني يااختي والله مسألة الدعاء هذه سحرية والله انا جربتها بس ماالله كتب ،، وانتي الحمدلله مافيكي عيب بس يمكن انتي ما تظهرين نفسك اجتماعيا واجد ،، يعني ما تحضرين عروس وحفلات كثيرة ،، هذا للي خلى اختك تنخطب ليش انها تظهر اكثر منك او يمكن لها صداقات واجد ،، الله اعلم وعلى فكرة ترى دايم للي ما تنخطب واجد سبحان الله يجيها واحد يخطبها عن الف واحد وتتزوجه وتكون اسعد انسانة يعني ربك سبحانه بيختصر عليكي مسألة الخطاطيب ويخليها زواجة عن الف خطيب بأذنه الله ،، وكل تأخيرة فيها خيرة بس انتي لا تفكري ابد ،،،، ولا تنسي قيام الليل والدعاء ويمكن الله مابعث لك خطاطيب علشان تجتهدي وتدعي له ومنها يرزقك ،،،

اختي الله يرزقك كل اللي تتمنينه
صحيح كل شي قسمة ونصيب.......... لكن لاتنسين شيء مهم
الدعاء ... ادعي وانتي واثقة من الاجابة
ادعي في آخر الليل وتأكدي ان ربي ما يردك واخلصي النية
لاتستعجلين الاجابة .... ولا تملين او تقولين دعيت وما استجاب لي

وانا اشجعك انك فعلا ما تظهرين مشاعرك قدام الناس ... واشكي همك للي بابه مفتوح واللي عنده الحل ...
لان الناس فعلا ما ترحم


وأسأل الله العظيم رب العرش الكريم جامع الناس ليوم لا ريب فيه ان يجمع بينك وبين زوج صالح عاجلا غير آجل

الله يوفقك حبيبتي ويرزقك الزوج الصالح الخلوق ويسعدك والجميع ان شاء الله




امين يارب العالمين