ادعولي باشفاء العاجل باقيلي جررعه كيماوي واخلص

السلام عليكم اخواتي انا فتاه ابلغ نت العمر "21" منذ سنه وانا اعاني من التعب والخمول وكنت اقول هذا من الرجيم اللي اسويه تخيلووا سنه وانا من مستشفى الى مستشفى كل شي سليم ماعرفوا وش علتي وكان دمي 4 تخيلوا انسانه ميته والله ورب الكعبه اني نقصت "30" كيلو وكان وزني 77 كيلو في الاساس صرت جلد وعظم لا اطلع لا البس شكلي يروع من افريقيا علما ان حررارتي ماتنزل تخيلو سنه كامله وحرراتي 38 ماتزل الدكاتره متعجبين منها كل انواع تحاليل الحمى سويتها مافيه شي كل شي سليم لا اكل ولا اشرب المتشفيات كلو فلوسي بس انا مارحت حكومي سويت كل شي أشعه بجميع أنواعها ومنظار للمعده ماعرفوا بلاي المهم كتب ربي يوم 10/10 1431هــ ايغمى على ويجي الاسعاف يشيلني ميته والله مااحس بشي المهم فحوصات واشعه اتظح وجود ورم لكن مايعرفون وش نوعه


جلست في المستشفى 7 ايام نقلولي دم لان دمي 4 وجلكوزوكل شي جسمي فاضي مافيه شي يقولي الدكتور انتي وشلون عايشه بس بفضل ربي اني عايشه للين الحين المهم حولوني على مدينه فهد الطبيه بس عاد متى يجي الرد للقبول ابد الله يسلمكم جلست شهر ونص احتريهم يدقون علينا بس كانت امي تقرا على يوميا ورحت مشايخ وقالولي انتي فيك عين معجبه وكان عندنا شغاله جنسيتها نيجيريه بس كنا مرره محتاجينها ومالقينا الا هي جايبينها في رمضان بالشهر والله انا محسنين لها ومخلينها على كيفها بس الله لا يوفقها كبت في بيتنا سحر والله وربي انها قلبت بينتا فوق تحت تخيلو ندخل المستشفى واحد واحد انا اول تمن اخوي ثمن اختي وابوي كره البيت واخواني صارو يوسوسون من البيت عشنا ايام الله لايوريكم بس واشياطين قامت تلعب بامي لعب على شان امي راعيه ذكر وقران والله صار البيت يخوفها بس والحمد جبنا شيخ وقرا علينا والحمد لان السحر اللي حاطته زي المويه يجمع الشياطين في بيتنا بس ربي فوقها حسبي الله عليها علما اني كنت مادري ان فيني شي بس اهلي دارين بس ماعلموني المهم رابع يوم في عيد الاضحى دقوا علينا وقالو تجون بكره

المهم رحت المستشفى ونوموني 20 يوم وانا كل ساعه وكل دقيقه تحاليل واشعه وقياس ظغط وحراره المهم دريت ان فيني ورم بس مانعرف نوعه خذ مني خزعه من الورم يفحصونها المهم جلسو 6 ايام وانا على اعصابي جاء الد كتور وقالي ان فيني غدد لمفاويه وهي نوع من انواع السرطان والورمه مكانها بين ضلوع الصدر يعني بين الأبط والصدر بس الحمد والله ان دموعي مانزلت استغربت من الصمود اللي انا فيه بس ربي مايخيب ظني فيه عكس امي صاحت مرره وابوي واخواني انصدموا عكسي انا مرره كنت ساكته ماتكلمت ولا قلت شي المهم الكل دري والله اني ماكنت ادري اني محبوبه في العايله كلن يدق على امي وابوي واخواني منصدمين ويقولون وش سوت متوقعين اني بتجزع بس الحمد الله على مابتلاني


المهم قرروا يعطوني كيماوي وهذي اتعب مررحله والله ان الكيماوي سم يدخل الجسم والله انه عذاب عذاب بس كل شي بأجره بس اهم شي النفسيه خلي عندك امل بالله واراده وانس انك تعبانه واطلعي وروحي وسيري بس انا ماكنت اطلع اول 3 شهور بس في الاخير بديت اطلع على شان المناعه بس الحمد الله لانيفسيتي زينه ومتقبله العلاج مناعتي مانزلت مرره
بديت في مراحل العلاج والحمد الله في تحسن طبعا مع قراء البقره يوميا والعسل والحبه السوداء وماء زمزم وزيت الزيتون خذت 13 جرعه وباقيلي وحده اللي هي يوم الاربعاء القادم و بعدها شعاع

وهذي قصتي بأختصار وابي دعواتكم لي ولجميع مرضي المسلمين واني ارجع اكمل في الجامعه لاني معتذره هذي السنه :(

بس ابيكم تعلموني وشلون اللي تاخذ شعاع ابيها تعلمني كل شي عنه لاني خايفه منه


يارب ياعالم بحالي انك تجعل الكيماوي اللي أخذه بردا وسلما على كما جعلت النار بردا وسلاما على أبراهيم :44: