ادعولي بالشفاء العاجل+قصة ولادتي

جيت اهلي على نهاية شهر 12 لان موعد ولادتي اخر 1 فحبيت اريح عندهم واتقضى 
جلست اسبوع عندهم وبعدها تعرضت لكتمه او ضيق تنفس شديد وسرعه في دقات القلب فقلت اكيد الوضع عادي زكمه وتعدي ورحت للحبيب طوارئ وبعد الفحوصات اكتشفوا عندي نقص اكسجين والتهاب رئوي ودقات قلبي سرعيه والضغط يطلع وينزل والسكر ارتفع حسبنا الله ونعم الوكيل والاكسجين مانزل من فمي واحس بكتمه فقالوا لازم تنويم بالعنايه علشان نتابعها دخلت العنايه يوم الاربعاء اخر شهر 12 وطول الليل الله يكرمكم تطريش وتعب ولانمت وتحاليل وكلمتهم بس يعطوني ابره للتطريش لان معاي قالون عصبي واذا توترت اطرش على طول نمت على الساعه 6 يمكن والساعه 8 صحوني قالوا نبي رقم زوجك ومن كثر الدوخه عطيتهم الجوال ونمت وشوي تصحيني الدكتوره تقول لازم نولدك يمكن الطفل هو اللي مسوي لك كتمه وانا كنت اخر اسبوع بالثامن وعطوني ابرة رئه وكلمت امي قلت يمه يبون يولدوني قالت معليش يمكن ترتاحين يابنتي سلمت امري لله وانا ماني مستوعبه اللي يصير لي واخذوني لغرفة العمليات وعطوني ابرة ظهر واللي ولدتني هي دكتوره شازيا قمه في الطيبه الله  يوفقها طمنتني انه نص ساعه ونخلص وفعلا جهزوني وحطت المعقم وبدت تشق بطني بالمشرط وطلعت البيبي وبشرتني انه ولد وحمدلله بصحه وحمدت الله وجت بعدها دكتوره دايم اشوفها بالطوارئ اسمها طاهره مره حبوبه وخيطتني وبعدها طلعوني ع العنايه المركزه لان الالتهاب والحراره والتعب للحين موجود بقيت بالعنايه 9 ايام الله يعلم بالحال بس وش كثر عانيت فيها ونفسيتي تدمرت وبس ابي انام علشان يجي اليوم الثاني واقول يمكن يطلعوني
اليوم العاشر نزلوني للجناح وبقيت فيه 4 ايام وطلعت بعدها بثلاث ايام تعرضت لجلطه برجلي اليسار وتنومت ثلاث ايام عانيت فيها والله يعلم بس وطلعت
وللحين اراجع كل يومين اسوي تحليل علشان نسبة السيوله بس الله المستعان للحين ماثبتت ومرتفعه
تعبانه من قالوني مرررره ونفسيتي متقلبه
ماتنفست ابد ولاتدفيت ولاسويت اي شي لاني تعبانه ومالي نفس شي ابي اتعافى واقوم لعمري وولدي
تعرضت للجلطه بعد الله بسبب نومي بالعنايه وماكانوا يمشوني لانهم يتابعوني بالاجهزه وماكنت اقدر اترك الاكسجين كنت اخذ عندهم ابر كليكزان ومن طلعت قطعوها عني وماعلموني اني مفروض امشي
حاليا رجلي اعرج منها ولااقدر امشي زين ومتورمه
يوم الجمعه ان شاء الله اكمل شهر
تعبت وتعبوا معي اهلي وزوجي واهل زوجي من كثر ماني تعبانه
الله يكتب اجري ويشفيني كل شوي احس بتعب غير ولكن الحمدلله لاحول لي ولاقوة الا بالله 
كتبت قصتي باختصار لاني طمعانه بدعائكم لي ولكم بالمثل
رحت لشيخ رقاني تعبت عنده وتاثرت يقول حسد
رجولي لازم ارفعها بمخده علشان ترتاح
ادعولي ادعولي تكفون