ادعولي بالفرج وهداية زوجي

السلام عليكم والرحمه

اخواتي الغاليات بمنتدى حواء انا ودي الليله افضفض لكم وابي مشورتكم،،

اعذروني اذا هذا القسم مو مناسب لقصتي بس مدري وين احطه

انا الحمدالله يارب لك الحمد تربيت بين ناس محافظين وربوني على الاخلاق الحميده اللهم لك الحمد

محترمه الكبير وارحم الصغير وابتسامتي دايم بوجهي واوسي المهموم انا بير اسرار العايله الحمدالله مثقفه اقرا كتب واتعلم واحب استغل الوقت احب نفسي واحب اهلي واعشق الجمعات والوناسه

بس سبحان الله من تزوجت وزوجي مغير علي حياتي قلب حياتي ولاعاد اعرف اتعامل معه رغم نجاحي بعلاقاتي مع اهله واقاربي الا هو سبحان الله مافهمت شخصيته يقهرر ويحب يستفزني وينبسط على انتقادي ويطلع فيني عيوب،،

ما اكذب عليكم اول شهرين بزواجي طاير فيني وبعد ثلاث شهور او رابع شهر من زواجي سبحان اللله بدا الفتور في علاقتي معه بدا يعيب فيني وفي اهلي ويقول ما استفدت منك شيء حتى عيال ماتجيبين حرمني السعاده الله ينتقم لي من كان السبب،،

وبعد اسابيع من زواجنا اكتشفت انه يحب يخليني عند اهلي ومايبيني اجي تخيلو تونا معاريس واكتشفت حركاته الوصخه في افلام اباحيه والعاده السرريه حسبي الله ونعم الوكيل الله يعوضني بالراحه في الجنه،،


هذا غير اني متهمه بفقدان البكاره ويقولي وش مسويه قبل الزواج وش كنتي تسوين!!؟
زعلت وبعدين قالي انسي السالفه بس لانك ماطلع منك دم!!!
وسبحان الله وداني يوم من الايام للمستوصف افحص عن تاخر الحمل لنا بس 5شهور يزن على راسي يبيني احمل حللت وخذت منشطات ولعبو فيني وفحصت الرحم وقالت الدكتوره بعدك مافكيتي البكاره والمنطقه مره متعبه من التهابات وعطتني غسول وقالت لزوجي عن بقاء غشاء البكاره مابعد راح وانه مطاطي سبحانك يارررب لك الحمد على الحق اللي ظهر له هو حس بتانيب ضمير بس ما اعتذر وانا زدت اعتزاز بنفسي ان شاءالله ربي ياخذ لي حقي منه يعني القذف بالمحصنات المؤمنات صعب وامر خطير المفروض مايواجهني كذا
مشكلتي احبه وارحمه واحاول اسامحه واتغاضى عن سلبياته وقلت لازم اكسبه واخليه يحبني مثل ما انا احبه،،
حياتنا اصبحت هدوء قاتل يعني روتين بعد الدوام غداء ونوم المغرب انا انزل لاهله وهو يطلع ولايرجع الا متاخر واحيانا بالصباح وايام الخميس والجمعه انا عند اهلي واحيانا يخليني بالاسابيع واهلي ساكتين وانا كنت استحي ما اقوله تعال خذني لان ماطيحت الميانه مثله بسرعه،،اآآه وش كثر غير حياتي بعدني عن الجمعات حرمني صديقاتي والطلعات واي شيء اسويه ببيت اهلي ما خلاني اسويه يقول تزوجتي خلاص اتركيهم صديقاتي اتركوني يحسبوني تزوجت ونسيتهم وانا قلبي يتفطر من الحنين لهم،،،وش اقول بس واكتم ولا اشكي لاحد وابين لاهلي والناس وناستي وسعادتي وهو كل شيء بحياتي كله اتصنع ومابي اضعف قدام احد اخ تخيلو لي الحين سنه واكثر ماوداني اي مكان اغير جو فيه اه بس يبيني على كيفه احضر عزايم اهله وانا اخدمهم ببيتهم رغم عندهم حريم عيال غيري بس انا اللي طاقين ميانه لها ويسالوني عن الحمل لنا اربع سنوات ونص متزوجين والمشكله مافيه سبب سويت محاوله انابيب وفشلت و حتى هو السبب كبير في تعاملهم معي لانه مايحترمني قدامهم ويقط علي كلام ولايحس بخجلي مايقدرني شلون اهله يقدروني الكل يفرض علي راي وش اسوي احتسب اجري واصبر نفسي لعل وعسى تنفرج علي مابي ازيد على اهلي ظروفهم صعبه وعندهم مشاكلهم مابي اشغلهم معي وانا ماتعودت اضعف قدامهم متعوديني من صغري قويه واتحمل وطبعي صبور بس واضح من هالليله بدا يطفح الكيل عندي اخ يارب اعني وساعدني على هالزوج يارب حنن قلبه علي ورجعه لي يارب ارزقني واياه اللذة بالنظر الى وجهك الكريم يارب سخره لي يامسخر الجبال الراسيه يارب تب علي وعليه انك انت التواب الرحيم يارب قربنا اليك بطاعات وترك المعاصي يارب اعصمنا عن الحرام يارب جعله يترك الدخان والشيشه ويترك سماع الاغاني يارب احرم جسده عن النار يارب كرهه في الفسوق والعصيان يارب قربه الى ماتحب وترضاه يارب ابعد عنه الاستراحات والاماكن فيها حرام وابعد عنه رفقاء السوء وابدله برفقاء صالحين مصحلين يحبون الخير يارب ارزقه الرزق الواسع يارب اجعله من اصحاب المساجد وامام للمسلمين اجعلني واياه من حفظة كتابك الكريم واغفر لي وله وللمسلمين اجمعين ومن قال امين...
احبتي اعذروني اطلت عليكم حبيت اشارك لو بقليل من اللي بخاطري استودعكم ربي ولاتبخلون علي بدعوات والراي الزيين..