ادعولي بالهدايه

اولاً أسأل الله لنا ولك الهداية والثبات على الدين

ثانياً يااختي جاهدي نفسك على الصلاة اول مايأذن تكونين متوضية وجاهزه اول مايقول الله اكبر كبري معه وصلي جاهدي نفسك وبقوووه ولاتسمحين تعطين نفسك فرصة ولا دقيقه وحده وقتي المنبه ع كل الصلوات واول مايدق فزي كأنك فازة من كابوس وتوضي ع طول اول ماتقومين لاتشغلين نفسك بشي غير الطريقة ذي واول ماتخلصين من الوضوء حتى او مانشفتي وجهك البسي عباتك وكبري واقري الفاتحه بخشوووووووع تكفين ركزي ع هذي النقطه ترى هي الحلقة الأقوى في ثباتك ع الصلاة
الفاتحة اقريها بخشووع كيف ؟؟! موب لازم تبكين وتأثرين وكذا لااا بخشوع اقصد انك مركزة على كل آيه تقرينها فيها تبسملين اول شي وبعدين اول ماتقولين الحمدلله رب العالمين خلي في قرارة نفسك انك الحين تحمدين الله على انه وفقك للوقوف بين يديه هالمره وكل مره وتبدين تقرينها كأنك تخاطبين الله فيها تقولين الرحمن الرحيم تمدحين الله واستشعري صدق ان الله قدامك يناظرك ويرد عليك وهذا صحيح ورد في حديث صحيح ان العبد اذا قرأ الفاتحه واستشعر معانيها انه قاعد يخاطب الله فيها ان الله سبحانه يرد عليه وابحثي عن الحديث وراح تتشوقين اكثر للصلاة وتتعلقين فيها واقريها لين توصلين عند إياك نعبد وإياك نستعين اهدنا الصراط المستقيم هنااااا جاء دوووورك وهذا الي اقصده بالحلقة الأقوى ابيك هنا وانتي تقرين هذي الآيه تستشعرين انك مقصرة وأني انا ياربي اعبدك واستعين بك وانتي تقولين كلمة وإياك نستعين حطي فيها كل همومك قولي يارب استعين بك على نفسي وهدايتها واستعين بك على الشيطان الرجيم ان تصرفه عني واستعين بك على هموم اثقلتني ففرجها علي الى آخره اهم شي وانتي تقرين هالايه انك تستشعرينها بكل جوارحك وبعدها بتجي الآيه الي فيها حل لمشكلتك وش هي ؟ اهدنا الصراط والمستقيم صراط الذين انعمت عليهم غير المغضوب عليهم ولا الضالين.""بعدها قولي آآآآمين بكل مافي صدرك من احساس استشعري انك تقولين ياااربي يااااربي😭وتستغيثين ان ربي يهديك الى صراطه المستقيم وإذا ربي هداك إلى صراطه المستقيم والله انك اسعد اهل الأرض ترى الله مايخيب عبده يامنيره اذا صدق العبد مع ربه والله مايخيب بس انتي عليك تجاهدين نفسك وبتقدرين بعون الله اطلبي من الله المعونه والهدايه والثبات وربي ماهو مخيبك